Սեքսը սիրելի էակի հանդեպ սերն արտահայտելու հիմնական միջոցներից է, որը ծնվում է սիրավեպի սկզբում:

Ժամանակի հետ շատերն են բողոքում, որ իրենց սեքսուալ կյանքը դարձել է ձանձրալի և զուրկ էրոտիկայից:

Ինչպե՞ս լուծել այդ խնդիրը և կրկին վառել սիրո կրակը:

Ներկայացնում ենք մի քանի խորհուրդ, որոնք կօգնեն վերադարձնել սեռական կյանքի վառ գույները:

Կյանքի կոչեք Ձեր սեքսուալ երևակայությունը: Յուրաքանչյուր մարդ ունի իր թաքուն երևակայությունը, որ նա պահում է իր մեջ և միշտ չէ, որ արտահայտում է: Կիսվեք Ձեր զուգընկերոջ հետ Ձեր ամենաթաքուն գաղտնիքներով և կյանքի կոչեք դրանք: Գուցե Ձեր տղամարդը ցանկանո՞ւմ է զարմացնել Ձեզ՝ սեքսում ինչ-որ նոր բան փորձելով: Գուցե Դուք էլ ունենաք մի քանի թաքնված մտքեր. ուրեմն ժամանակն է՝ դրանք կյանքի կոչեք:

Նոր դիրքեր: Չեք հավատա, բայց համատեղ փորձարկումերն անկողնում ձեզ կմերձեցնեն: Փորձեք ձեր սեքս-մենյուն դարձնել զանազան: Ոչինչ, որ առաջին անգամ գուցե չստացվի. կունենաք հիշելու և ինչ-որ բանի վրա ծիծաղելու պատճառ:

Հանդիպման գնացեք առանց ներքնազգեստի: Ցանկալի է, որ այս միջոցը ձմռանը չկիրառեք: Թողեք տարվա ավելի տաք եղանակներին: Ամեն դեպքում, բաց չթողնեք նման հետաքրքիր հնարավորությունը: Տղամարդու երևակայությունը կաշխատի, և նա կուզենա րոպե առաջ ավարտել հանդիպումն ու Ձեզ հետ միայնակ մնալ:

Ախորժակը ուտելիս է բացվում: Զբաղվեք սեքսով այն ժամանակ, երբ անգամ ցանկություն չկա: Եթե վերջին շրջանում Ձեր հարաբերությունները փակուղի են մտել, ապա մի սպասեք մինչև Ձեր զուգընկերը քայլ անի, վերցրեք նախաձեռնությունը Ձեր ձեռքը:

Համապատասխան ներքնազգեստ: Հիշեք՝ տղամարդիկ սիրում են աչքերով: Զարմացրեք նրանց գեղեցիկ կերպարներով: Ի դեպ, գեղեցիկ ներքնազգեստը դրական է անդրադարնում ոչ միայն սեռական կյանքի, այլ նաև Ձեր ինքնագնահատականի վրա:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ