Կնոջ համար առողջությանը հետեւելը սկսվում է ինտիմ գոտու հիգիենայից:

Բացի այդ, թարմության ու հարմարավետության զգացողությունը անփոխարինելի է ինքնավստահ լինելու համար։

Դրա համար ընդամենը մի քանի պարզ կանոնի է պետք հետեւել ամեն օր:

Առաջին հերթին պետք է բալանսավորված պահել արտաքին սեռական օրգանների բնական թթու-ալկալային հավասարակշռությունը:

Դրա փոփոխության վրա կարող են ազդել մի շարք գործոններ՝ քլորացված ջուրը, ֆիթնեսով զբաղվելու ժամանակ մեծ ծանրաբեռնվածությունը, սինթետիկ ներքնաշորերը, նեղ հագուստը, միջադիրների մշտական օգտագործումը, դաշտանադադարը եւ այլն:

Պետք է աշխատել խուսափել այս գործոններից, նաեւ ինտիմ գոտու մաքրության համար հոգ տանել ավելի հաճախ:

Ամենակարևոր ու տարրական բանը օրական երկու անգամ’ առավոտյան և երեկոյան, լվացումներ անելն է:

Իսկ ողջ օրվա համար ցանկալի է ունենալ ինտիմ օգտագործման համար նախատեսված թաց անձեռոցիկներ, որոնք չեն վնասի սեռական գոտու զգայուն մաշկը:

Եթե օգտագործում եք ամենօրյա միջադիրներ, անհրաժեշտ է դրանք փոխել յուրաքանչյուր չորս ժամը մեկ:

Այլապես կարող եք ստանալ հակառակ էֆեկտ. նման միջադիրները հաճախ վնասարար միկրոբների առաջացման աղբյուր են դառնում:

Ի դեպ, ճիշտ ընտրեք միջադիրները: Ավելի լավ է նախապատվություն տալ հակաալերգիկ միջադիրներին, մանավանդ եթե ունեք զգայուն մաշկ:

Ինչ վերաբերում է խծուծներին (տամպոն), բժիշկները խորհուրդ են տալիս փոխել դրանք ամենաուշը երկու ժամը մեկ, այլապես նորից չեք խուսափի բորբոքային պրոցեսներից: Սեռական օրգանների հիվանդություններ ունեցողներին դրանց օգտագործում խստիվ արգելվում է:

Լողավազանում, գետում կամ ծովում լողալուց առաջ օգտագործեք հատուկ քսուքներ, որոնք կկանխարգելեն բակտերիաների ու վիրուսների թափանցումը օրգանիզմ:

Ճիշտ ընտրեք նաև ներքնազգեստը, այն պիտի լինի հարմարավետ, որպեսզի արյան շրջանառությունը նորմալ կատարվի:

Ցանկալի է բնական գործվածքներից կարված ներքնազգեստը, որը մաշկին «շնչելու» հնարավորություն կտա:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ