Արագ կամ դանդաղ քայլվածքը կախված է մարդու խառնվածքից եւ անհանգիստ-նյարդային-աշխույժ, ակտիվ-հանգիստ եւ թույլ-դանդաղ-ծույլ մղիչ ուժերից (օրինակ` թույլ, կախ ընկած կեցվածքի դեպքում եւ այլն ):

Լայն քայլերը (հիմնականում տղամարդկանց մոտ, քան կանանց) հաճախ ցույց են տալիս կենտրոնացվածություն, նպատակասլացություն, նախաձեռնողականություն, եռանդ եւ գործնականություն: Առավել հակված են հեռավոր նպատակների:

Կարճ, փոքրիկ քայլերը (հիմնականում կանանց մոտ, քան տղամարդկանց) ավելի շուտ նշանակում են ինքնամփոփություն, զգուշավորություն, հաշվենկատություն, հարմարվողականություն, արագ մտածողություն եւ արձագանք, զսպվածություն:

Ուժեղ եւ ծանր շարժումները շրջապատին ցուցադրում են անձի ուժն ու նշանակությունը: Հարց` իսկապե՞ս:

Ընդգծված թույլ քայլվածք. հետաքրքրության բացակայության, անտարբերություն, հարկադրանքի եւ պատասխանատվության նկատմամբ հակակրանք, կամ շատ երիտասարդ մարդկանց մոտ` տհասություն, ինքնակարգապահության պակաս կամ սնոբիզմ:

Նկատելիորեն կարճ եւ միեւնույն ժամանակ ռիթմի խախտումով արագ քայլեր. հուզականություն, տարատեսակ վախեր: (Չգիտակցված նպատակ. ցանկացած վտանգի դեպքում զիջել ճանապարհը):

Ռիթմիկ ուժեղ քայլվածք, մի փոքր հետ-առաջ ճոճվող (կոնքերի կտրուկ շարժումներով), որոշ տարածության հավակնող. միամիտ-բնազդային եւ ինքնավստահ բնավորություններ:

Քստքստացող «կախ ընկած» քայլվածքը կամային ճիգերից եւ ձգտումներից հրաժարումն է, թոշնածության, դանդաղկոտության եւ ծուլության նշան է:

Ծանրակշիռ «հպարտ» քայլվածքը, որի մեջ թատերական ինչ-որ բան կա, այնքան էլ տեղին չէ, երբ դանդաղ քայլքի դեպքում քայլերը համեմատաբար փոքր են (հակասություն), եւ երբ մարմնի վերին մասը ընդգծված է եւ շատ ձիգ, հնարավոր է խախտված ռիթմի պատճառով. անձի գերագնահատում, մեծամտություն, ինքնասիրահարվածություն:

Կոշտ, ծուռումուռ, անբնական, փայտանման քայլվածք (ոտքերի անբնական ձգվածություն, մարմինը չի կարողանում բնականորեն շարժվել). ճնշվածություն, շփումների պակաս, երկչոտություն, այստեղից էլ, իբրեւ փոխհատուցում, չափազանց պրկվածություն եւ գերլարվածություն:

Անբնական պոռթկուն քայլվածք, ընդգծված մեծ եւ արագ քայլեր, ձեռքերի նկատելիորեն հետ-առաջ թափահարում. ցուցադրական ակտիվություն, հաճախ միայն անբովանդակ զբաղմունք եւ ջանք՝ սեփական որոշ ցանկությունների դրդմամբ:

Անընդհատ վեր բարձրացող քայլվածք (ոտքերը ճնշող գուլպաներով). ձգտում դեպի վեր` ուղղորդված իդեալով, ուժգին պահանջով, ինտելեկտուալ գերազանցության զգացումով:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ