«Ճակատագիրն առյուծի նման է, եթե դու վախենում ես, նա կհարձակվի քեզ վրա, իսկ եթե այդ վախը չկա, ապա այն կընթանա քո ուզած ուղղությամբ». Իրինա Խակամադայի կյանքի 13 խիստ կանոնները կանանց համար

Like on FB:

Մենք համբերողների սերնդի շարունակությունն ենք: Այսպես մեր տատիկները սովորեցրել են մեր մայրիկներին, իսկ մայրիկներն էլ` համապատասխանաբար՝ մեզ, չնայած մենք այն սերունդն ենք, ով հասցրել է ազատության օդը շնչել:

Մենք կարծես գտնվում ենք 2 կրակի արանքում: Այդ իսկ պատճառով ավելի լավ է թույլ ձևանալ, թաքնվել սեղանի տակ և մեզ ազատել ավելորդ պարտականություններից: Հենց դրա համար էլ ներկայումս ժամանակակից կանանց մեծ մասը տղամարդկանց հետ հարաբերություններ կառուցելիս նախընտրում է լինել զոհի կարգավիճակում: Սա ինչ-որ տեղ նաև երբեմն-երբեմն թուլանալու, լիցքաթափվելու եղանակ է:

Մեզնից յուրաքանչյուրն ի վիճակի է իր նուրբ ձեռքերում ամբողջ աշխարհը պահել: Սա իսկապես լուրջ արվեստ է. մի կողմից՝ լինել խոցելի, քնքուշ ու նուրբ, իսկ մյուս կողմից` կարողանալ պահել կյանքիդ ղեկը:

zNews-ը Ձեր ուշադրությանն է ներկայացնում հանրահայտ քաղաքական գործիչ և հրապարակախոսԻրինա Խակամադայի`  կանանց համար նախատեսված՝ կյանքի 13 խիստ կանոնները:

1. Ամենակարևորը՝ պետք է մեկընդմիշտ հիշել հետևյալը` սպիտակ ձիու վրա նստած ասպետը հորինվածք է. չկա նման բան: Ոչ ոք պարտավոր չէ քեզ երջանիկ դարձնել և փրկել ճակատագրի վայրիվերումներից: Ժամանակի հետ տղամարդը պարզապես կհոգնի քարշ տալ քո նվնվոցի և կյանքից անընդհատ բողոքելու ծանր ճամպրուկը: Որպեսզի խուսափես լքված կին լինելու թշվառ հեռանկարից, պետք է կենտրոնանաս ոչ թե տղամարդու փնտրտուքի, այլ սեփական երազանքդ իրականացնելու մտքի վրա:

2. Սամուրայները հետևում են մի այսպիսի փիլիսոփայական սկզբունքի` մեռնել նախօրոք: Որքան էլ որ սա պարադոքսալ հնչի, մահացու ճակատամարտում հաղթում է այն սամուրայը, ով արդեն մեռած է: Պարզապես մանրամասնորեն մի վատագույն սցենար մտածեք այն իրավիճակի համար, որը տվյալ պահին Ձեզ հանգիստ չի տալիս: Նկարագրիր քո քայլերը պարտությունից հետո, իսկ հետո, ինչպես ֆիլմում, մտովի հետ գնա՝ մինչև առաջին կադրը: 1-2, և քեզ համար այլևս ոչինչ սարսափելի չի լինի: Կարող ես համարձակորեն նետվել կռվի մեջ:

3. Երբ ինձ ասում են`դու հիմար ես, ես պատասխանում եմ` այո, համաձայն եմ: Իսկ ինքս գնում եմ և անում եմ այն, ինչ ճիշտ եմ համարում: Եվ երբեք ոչինչ մի ապացուցեք: Եվ մի համեմատվեք ոչ մեկի հետ: Հատկապես՝ կանացի կոլեկտիվում: Դա հաստատ լավ ավարտ չի ունենա:

4. Որպեսզի ինչ-որ մեկի հետ ներդաշնակ հարաբերություններ կառուցես, նախ և առաջ՝ ինքդ քեզ հետ պիտի ներդաշնակ լինես և սիրես քեզ:

5. Ի՞նչ անել: Սովորել երազել, ինքդ քո առաջ բարձր նպատակներ դնել և հասնել դրանց կատարմանը` հաճույք ստանալով ոչ թե՝ վերջնական արդյունքից, այլ՝ պրոցեսից: Եվ եթե Ձեզ հաջողվի գտնել և զարգացնել այդ էներգիան, այլևս ոչ մի ջանք չի պահանջվի, ամեն ինչ կստացվի ինքնաբերաբար: Երազանքները կկատարվեն, հաջող կարիերա կանեք, չի ուշանա նաև սերը:

6. Այդպիսի կնոջը, ով հրթիռի պես դեպի իր նպատակներն է նետվում, խելացի տղամարդն անպայման կգնահատի ըստ արժանվույն:

7. Կինը, ով ի վիճակի է ներդաշնակ կերպով զարգացնել և իր մեջ համադրել կանացի և տղամարդկային սկիզբները, ով օգտագործում է աշխարհում գոյություն ունեցող ամեն ինչ իր ինքնառեալիզացման համար, բացառիկ կին է: Այդպիսին էր, օրինակ, Կոկո Շանելը, և ցանկության դեպքում այդպիսին կարող է լինել յուրաքանչյուրը: Իմ օրինակով եմ ասում:

8. Տղամարդը չպիտի լինի մեր ողջ աշխարհը, սակայն նրա մասերից մեկը պիտի լինի ընդհանուր շարքում:

9. Անընդհատ սովորիր, նոր ինֆորմացիա ստացիր: Դա ապահովագրության պես մի բան է, այն բազան, որը քեզ կօգնի գոյատևել ամենադժվարին ժամանակներում:

10. Տղամարդու հետ ծանոթանալիս պետք է կարողանալ վառ արտահայտվել, հիշվել ու հետո վերածվել հիմարիկի: Ընդ որում, շատ հանկարծակի և շատ դիվանագիտորեն մի վիճակից անցնել մյուսին: Տղամարդը վախկոտ էակ է. նա անընդհատ ինչ-որ բանից վախենում է. կամ կինը չափազանց հարուստ է, կամ նույնքան աղքատ, կամ շատ գեղեցիկ է, կամ հակառակը: Այդ իսկ պատճառով էլ անհրաժեշտ է դառնալ անկանխատեսելի և թեթևությամբ և հումորով շփվել:

11. Հաջողության հասնելու ճանապարհին փողը երկրորդական նշանակություն ունի: Պետք է ճիշտ այնքան գումար, որ կարողանաս իրականացնել քո գաղափարները և որպեսզի ամեն առավոտ արթնանալիս չասես` Աստված իմ, ես ատում եմ այս աշխատանքը, սակայն ես սովից կմեռնեմ, եթե այն կորցնեմ:

12. Հուսահատությունից մի վախեցիր: Ընկիր մինչև հատակը: Ես, օրինակ, նման դեպքերում գնում էի ամառանոց, մի շաբաթ անշարժ պառկում, մեղադրում ինձ ամեն ինչի համար ու ոչ մեկի հետ չէի շփվում: Ես ինքս ինձ խղճում էի, և ինչ-որ պահի ինձ անգամ սկսեց դուր գալ դժբախտ լինելը: Բայց գալիս է մի պահ, որ օրգանիզմին դա էլ է հոգնեցնում, և նա ասում է` բայց չէ՞ որ կյանքը շարունակվում է: Ես չեմ մահացել, արևն էլ առաջվա պես շողում է: Ու դու կանգնում ու առաջ ես գնում:

13. Ճակատագիրն առյուծի նման է: Եթե դու վախենում ես, նա կհարձակվի քեզ վրա, իսկ եթե այդ վախը չկա, ապա այն կընթանա քո ուզած ուղղությամբ:

Նյութը հրապարակման պատրաստեց zNews

Կիսվե՛ք Ձեր ընկերների հետ

Popular

Կնոջ խառնվածքն` ըստ ծննդյան ամսաթվի
ԹԵՍՏ. քանի՞ երեխա կունենաս
7 վնասակար սովորություններ, որոնց պատճառով կուրծքը կախվում է
20 մթերք, որոնք «անխղճորեն» այրում են ճարպերը. նիհարելու համար սոված մնալու կարիք չկա
Կենդանակերպի 6 ամենանախանձ և հիշաչար նշանները
Ո՞րն է կանացի ամենագայթակղիչ հագուստը
Սիրահարված աղջկան մատնող 7 նշան
14 կանոն հագուստում, որոնք պետք է մեկընդմիշտ սովորել
Բարձրորակ կնոջ 12 նշան

Latest

7 խորհուրդ ցածրահասակ աղջիկներին, թե ինչպես ավելի բարձրահասակ երևալ
Թեստ իսկական լեդիների համար․ Կարո՞ղ ես գուշակել, թե այս զգեստներից որն է ամենաթանկարժեքը
Կենդանակերպի 6 նշան, ովքեր բոլորին ամեն ինչում նախանձում են
5 սովորություն, որոնք կփրկեն սեքսը
12 խորամանկ հնարք, որոնցից օգտվում են աստղերը՝ լուսանկարներում հաջող դուրս գալու համար
Իմացեք՝ ձեր ականջներն ինչ են ասում ձեր մասին
Ձեր ամուսնության օրվա օգնությամբ կիմանաք, թե ինչպիսին է լինելու ձեր ամուսնական կյանքը
Իմաստուն առակ. Մարդու երեք ընկերները
ԹԵՍՏ. Այն, թե ինչպես եք դուք և ձեր սիրելին իրար ձեռք բռնում, շատ բան կարող է պատմել ձեր հարաբերությունների մասին