Հնդիկ դերասանուհի և ֆոտոմոդել Այշվարիա Ռայը համարվում է աշխարհի ամենագեղեցիկ կանանցից մեկը:

Բոլիվուդում ու մոդելային աշխարհում դեռևս 1994թ.-ից հայտնված այս աստղը մինչ օրս շարունակում է մնալ ուշադրության կենտրոնում:

Նա հասցրել է նկարահանվել տասնյակ ֆիլմերում ու դառնալ տարբեր ընկերությունների գովազդային դեմքը:

Նրա մասին ամենահետաքրքիրը կարող եք կարդալ հենց այս հոդվածում՝

1. Այշվարիա Ռայը ծնվել է 1973թ.-ի նոյեմբերի 1-ին՝ լավ սոցիալական կարգավիճակում գտնվող ընտանիքում: Նրա հայրը առևտրական նավատորմի սպա Կրիշնարաջ Ռայն է, իսկ մայրը՝ գրող Վրինդա Ռայը։ Դերասանուհին ունի նաև մեծ եղբայր, որը առևտրական նավատորմի ինժեններ է:

2. Երիտասարդ տարիքում Այշվարյան ուզում էր բժիշկ դառնալ, սակայն հետագայում նա փոխել է միտքն ու ընդունվել համալսարան՝ ցանկանալով ուսումնասիրել ճարտարապետություն: Ապագա դերասանուհին թողել է ուսումը՝ մոդել դառնալու նպատակով:

3. Աշվարիան տիրապետում է մի քանի լեզվի՝ տուլու, անգլերեն, հինդի, մարաթհի և թամիլերեն։

4. 1994 թվականին հաղթել է «Միսս աշխարհ» մրցույթը։

5. 2003 թվականին Այշվարիան եղել է Կաննի կինոփառատոնի ժյուրիի անդամ:

6. 2005թ.-ին «Mattel» ընկերությունը Մեծ Բրիտանիայում թողարկել է սահմանափակ թվով Այշվարիա Ռայ Barbie տիկնիկ: Տիկնիկները մի քանի րոպեում սպառվել են: Այս ընկերությունը թողարկել է նաև այնպիսի հայտնի աստղերի տիկնիկներ, ինչպիսիք են Էլիզաբեթ Թեյլորը, Բեյոնսեն, Դիանա Ռոսը և ուրիշներ:

7. Այշվարիա Ռայը առաջին հնդիկ կինն է, ում մոմե արձանը տեղ է գտել Մադամ Տյուսոյի թանգարանում։ Այսօր նա արդեն ունի 5 մոմե արձան Մադամ Տյուսոյի տարբեր թանգարաններում:

8. Դերասանուհին նաև հրավիրվել էր նկարահանվելու Բրեդ Փիթի հետ՝ «Տրոյա» ֆիլմում, սակայն նա հրաժարվել էր դերից:

9. Նիդեռլանդներում նրա անունով կակաչներ են վաճառում:

10. 47 ամյա դերասանուհին հավաքում է իր մասին գրված բոլոր հոդվածները:

11. 2007թ.-ին Այշվարիա Ռայն ամուսնացել է դերասան Ամիթաբհ Բաչչանի որդի դերասան Աբհիշեկ Բաչչանի հետ: 2011թ.-ին էլ լույս աշխարհ եկավ նրանց դուստրը:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ