4 բալ, եթե լիովին համաձայն եք

3 բալ, եթե մասնակի համաձայն եք

2 բալ, եթե ավելի շուտ համաձայն չեք

1 բալ, եթե ընդհանրապես համաձայն չեք

Հարցերը

1. Ըստ իս` ես հումորի հիանալի զգացում ունեմ:
2. Ես վատ ինտուիցիա չունեմ և միշտ հասկանում եմ, թե մարդիկ ինչ ի նկատի ունեն:
3. Հուսով եմ` ապագայում ինձ շատ հաճելի բաներ են սպասվում:
4. Ինձ թվում է` մարդկանց դուր է գալիս շփվել ինձ հետ:
5. Ես կարող եմ մարդուն հավանել, անգամ եթե նա ինձ նման չէ և չի կիսում իմ տեսակետերը:
6. Ես սիրում եմ երեխաների:
7. Ես սիրում եմ տարբեր խնդիրներ լուծել:
8. Ինչ-որ գործ սկսելիս փորձում եմ այն լավագույնս անելու միջոց փնտրել:
9. Ինձ հետաքրքրում են տարբեր իրադարձությունների պատճառները:
10. Աշխատանքից զատ ես շատ այլ հետաքրքրություններ ունեմ:
11. Ցանկացած փոփոխություն փորձում եմ ընդունել որպես փոփոխություն դեպի լավը:
12. Իմ աշխատանքը մարդկանց օգուտ է տալիս:
13. Սիրում եմ երբեմն երազել:
14. Սիրած երաժշտությունը բարձրացնում է տրամադրությունս:
15. Հետաքրքրությամբ եմ ընդունում նոր գաղափարները:
16. Որպես կանոն չեմ հանձնվում, երբ դժվարությունների եմ հանդիպում:
17. Կարող եմ անկեղծ ծիծաղել հաջող կատակի վրա:
18. Ունեմ առնվազն մի մոտիկ մարդ, ում հետ կարող եմ կիսվել մտքերովս:
19. Ես հաճույք եմ ստանում ֆիզիկական ակտիվությունից:
20. Սիրում եմ հանդիպել նոր մարդկանց:
21. Կուզեի ինչ-որ նոր բան սովորել:
22. Աշխատում եմ գրավիչ տեսք ունենալ, և կարծես թե դա ինձ մոտ ստացվում է:
23. Չեմ թողնում, որ փոքրիկ անհաջողությունները փչացնեն տրամադրությունս:
24. Սիրում եմ այն ժամանակաշրջանը, որում ապրում եմ:
25. Ինձ թվում է` դեռ հնարավորություն կունենամ բոլոր ընդունակություններս ցույց տալու:

Հաշվենք արդյունքները

Եթե հավաքել եք 75 բալ և ավելի

Անկախ տարիքից՝ Դուք լի եք կենսական ուժերով և հավատում եք ինքներդ Ձեզ: Դուք շփվող եք, լավատես, բարին եք ցանկանում բոլորին: Հավատացած եղեք` դեռ երկար ժամանակ ունեք ծերանալու համար:

50-75 բալ

Հասունության ճանապարհին ստիպված եք եղել զոհաբերել պատանեկության որոշ լավ հատկանիշներ: Հոգսերն ու սթրեսերը թուլացրել են ուրախանալու Ձեր կարողությունը, բայց սովորեցրել են լինել լուրջ ու պատասխանատու: Դուք «միջին» հասուն եք, այդքան էլ շատ խնդիրներ չունեք: Բայց մի փոքր առույգությունն ու լավատեսությունը Ձեզ չէին խանգարի:

50 բալից քիչ

Ձեզ նման մարդկանց մասին ասում են, որ Դուք կյանք տեսած եք և գիտեք ամեն ինչի գինը: Բայց շուտ չե՞ք հասել դրան: Չէ՞ որ դեռ այնքան բան կա տեսնելու, ճանաչելու և զգալու:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ