Բոլորս էլ նկատել ենք, որ տարիքի հետ շատերն են սկսում ավելորդ կիլոգրամներ հավաքել։

Ո՞րն է դրա պատճառը. գենետիկան, սնունդը թե՞ մեր օգանիզմի հոգեբանական առանձնահատկությունները։

zNews-ը այսօր 5 պատճառ է ներկայացնում, որոնք կարող են նպաստել տարիքային գիրացմանը։

Պատճառ 1. Մենք ավելի քիչ ենք էներգիա ծախսում

Գիտականորեն ապացուցված է, որ ամեն տասը տարվա հետ մարդու էներգիայի ծախսը նվազում է 10%-ով։ Դանդաղում է նյութափոխանակությունը, արյան շրջանառությունը, շնչառությունը։ Սա հավասարաչափ ազդում է թե կանանց, թե տղամարդկանց վրա։

Պատճառ 2. Հորմոնալ ֆոնի փոփոխություն

Հորմոնալ փոփոխություններն առաջին հերթին կանանց են վերաբերում։ Այս ռիսկը հատկապես մեծ է դաշտանադադարի տարիքում։

Պատճառ 3. Հոգեբանական

Երբեմն ապրումների կամ կյանքի ծանր պայմանների պատճառով մարդիկ մխիթարությունն են գտնում ուտելիքի մեջ։ Շատերն են դեպրեսիայի դեպքում սկսում ավելորդ քաշ հավաքել։

Պատճառ 4. Գենետիկա

Չենք կարող վիճել. գենետիկան համառ բան է և նրա դեմ պայքարելն այնքան էլ հեշտ չէ։ Իսկ ընդհանրապես, ամենաառողջ մարդիկ էլ տարիքի հետ սկսում են չաղանալ։ Երիտասարդ տարիքում մենք նիհարում եք սթրեսներից, իսկ 35 –ից հետո օրգանիզմը սկսում է ինսուլին արտադրել, որը ճարպի է վերածվում։

Պատճառ 5. Դիետաներ

Դժվար է գտնել մի կին, որը գոնե մեկ անգամ կյանքում դիետայի օգնությանը դիմած չլինի։ Սակայն երբ օրգանիզմը սովորում է դիետաներին, այն սկսում է դիետայի ժամանակ պահուստային ճարպ կուտակել, քանի որ դիետան մեծ սթրես է օրգանիզմի համար։ Դիետայի ժամանակ օրգանիզմը նաև դանդաղեցնում է նյութափոխանակումը, իսկ դիետայի ավարտից հետո չի հասցնում հին վիճակին արագ վերադառնալ։

Ի՞նչ անել

1. Առաջին հերթին պետք է հասկանալ, որ տարիքի հետ պետք է յուղոտ սնունդը կրճատել և ավելի շատ ուշադրություն դարձնել բանջարեղենին և բարդ ածխաջրերին։

2. Պետք դանդաղ ուտել։ Ճապոնացիները պարզել են, որ նրանք, ովքեր դանդաղ են ծամում, քսան տարի հետ բոլոր շանսերն ունենում են իրենց հին քաշը պահպանելու։

3. Ճիշտ ընտրել ֆիզիկական ակտիվությունը։ Տարիքի հետ ծանրաբեռնվածությունը պետք է նվազեցնել, այլապես միայն կհոգնեք և կբացեք ախորժակը։ Ավելի մեծ դեր է խաղում կանոնավորությունն ու մկանները տոնուսի մեջ պահելը։ Մարզված մկաններն ավելի շատ են էներգիա ծախսում, քան թույլ մկանները։

4. Հաղթահարել միջին տարիքի ճգնաժամը և հոգով երիտասարդ մնալ։ Կզարմանաք, բայց սա կարևոր է։

5. Սովորեցրեք ձեզ լիարժեք նախաճաշ անել և թեթև ընթրիք և արեք դա միշտ՝ տարիների ընթացքում։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ