zNews-ը կհուշի՝ ինչպես վերադարձնել մաշկի փայլը և գեղեցիկ տեսքն ընդամենը 1 ամսում:

Ինչպես մաքրել դեմքի ծակոտիները

1. Որակյալ խնամքը և ամենօրյա մաքրումը գլխավոր զենք են գեղեցիկ մաշկի համար: Այս հարցում կօգնեն տարբեր գելեր, պիլինգ-քսուքներ, սալիցիլաթթվով տոնիկներ:

2. Եթե ձեռքի տակ չկա մաշկի մաքրման որակյալ միջոց, կարելի է կեֆիր, սև հացի միջուկ և կիտրոնի հյութ օգտագործել ծակոտիները նեղացնելու համար:

3. Բամբակյա-թղթե սրբիչը և լավանդայի յուղը կօգնեն ծակոտիների լայնացման դեմ: Ցանկալի արդյունքի համար պետք է սրբիչը մի քանի րոպե պահել տաք ջրի շիթի տակ, հետո վրան մի քանի կաթիլ յուղ կաթեցնել: Սրբիչը դեմքին դնելով՝ պետք է պահել 10 րոպե և լվացվել գոլ ջրով:

4. Փայլը վերացնող անձեռոցիկները մաշկը դարձնում են գեղեցիկ, վերացնում են փայլը՝ չվնասելով հիդրոլիպիդային շերտը: Այդպիսով ծակոտիները կսովորեն ավելի քիչ մաշկային ճարպ արտադրել:

5. Սքարլետ Յոհանսոնը պատմում է իդեալական մաշկի իր գաղտնիքը. «Ես վաղուց տոնիկներ չեմ գնում, որոնք միայն գրգռում են իմ զգայուն մաշկը: Փոխարենը՝ ես խնձորի քացախ եմ օգտագործում. այն նրբորեն վերացնում է մաշկի մեռած մասնիկները և նորմավորում է թթվա-ալկալային հավասարակշռությունը»:

6. Տարիքի հետ մաշկը կորցնում է էլաստիկությունը և լայնացած ծակոտիները ստանում են կլոր և օվալաձև տեսք: Դա փչացնում է արտաքին տեսքը և ծերացնում է… Այդ խնդրից ազատվելու համար պետք է հակատարիքային լիֆթինգ-միջոցներ օգտագործել:

7. Որպեսզի տոնային քսուքը լավ «նստի», դիմահարդարները տարիքով մեծ կանանց խորհուրդ են տալիս հատուկ makeup-փրայմերներ օգտագործել: Այդ միջոցները նեղացնում են ծակոտիները և հարթեցնում են փոքր կնճիռները:

8. Գեղեցիկ մաշկը զոհեր է պահանջում: Ուստի պետք չէ շատ յուղոտ սնունդ և արագ սնունդ օգտագործել, քանի որ այդ մթերքները խթանւոմ են մաշկային ճարպի մեծ արտադրությունը:

9. Սև կետերը սեղմելը շատ վատ սովորություն է, այն ոչ մի կերրպ չի օգնում մաքրել մաշկը: Ծակոտիերը մեծանում են և ավելի են աղտոտվում: Դրա փոխարեն՝ ամիսը մեկ անգամ սպիտակ կավով դիմակ օգտագործեք կամ կոսմետոլոգի այցելեք:

10. Եթե այս բոլոր խորհուրդներն անհրաժեշտ արդյունք չեն տալիս մեկ ամսում, կոսմետոլոգին այցն անխուսափելի է: Սրահները լայնացած ծակոտիների դեմ լազերով են պայքարում:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին