Sunday Times թերթում հրապարակված «Հայաստան՝ որտեղից սկսվել է կյանքը» հոդվածում արքայադուստր Դիանայի արմատները համարվում են հայկական:
Հոդվածում հարց է բարձրացվում, թե ինչ ընդհանրություն կա Քարդաշյանի, Կասպարովի, Ազնավուրի, Այվազովսկու, Հասմիկ Պապյանի և արքայադուստր Դիանայի միջև:
«Այս՝ առաջին հայացքից տարօրինակ թվացող հարցը, պարզվում է, հիմք ունի. այս բոլոր մարդկանց միավորում է հայկական արմատներ ուենալը: Իսկ դա նշանակում է, որ նրանք բոլորն էլ հայեր են: Կարծիք կա, որ հայկական ազգային կապերը բավականին ամուր են և հրաշքներ են գործում: Հայերը միակ օրինակն են թերևս, երբ սփյուռքի թվաքանակը նկատելիորեն գերազանցում է բուն երկրի բնակիչների քանակին: Հայաստանում ապրում է երեք միլիոն մարդ, մինչդեռ սփյուռքում հաշվվում է մոտ յոթ միլիոն հայ,- ասվում է հոդվածում:- «Արքայադուստր Դիանայի հայկական արմատների մասին նախկինում էլ խոսվել է: Բանն այն է, որ մայրական գծով նրա նախատատը՝ Էլիզա Կևորկյանը, Հնդկաստանի հայ էր»:
Դիանայի ողբերգական մահը, ինչպես նաև նրա կյանքը խորհրդանշում է մի կնոջ, որ ողջ կյանքում հուսահատորեն երջանկություն է փնտրել:
Մերժված լինելով արքայական ընտանիքի կողմից՝ նա նվաճել էր ժողովրդի սերը՝ դառնալով «սրտերի թագուհի»:
Նրա հանդեպ եղած ժողովրդական բուռն սերը նրա մասին դեռ երկար քննարկումների առիթ կտա:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
