Պարույր Սևակի հանճարեղ մտքերը, որոնք տակնուվրա կանեն ձեր հոգին

Like on FB:

Հանճարեղ գրող Պարույր Սևակի մտքերով մինչ օրս կիսվում են բազմաթիվ գրականասերներ, իսկ նրա տողերում իրեն է գտնում ամեն երկրորդը։

Նուրբ բառախաղն ու այդ բառախաղի արանքում թաքնված դիպուկ փիլիսոփայությունը ստիպում է նրան իրավամբ համարել հայ գրականության հենասյուներից։

zNews-ը առաջարկում է ծանոթանալ գրողի ամենահանճարեղ 17 մտքերին, որոնք կսովորեցնեն ապրել ու տակնուվրա կանեն հոգին։

1. Երբ իզուր հարց չեն տալիս, սուտ պատասխան չե՜ն ստանում։

2. Լավագույն խոսքը
Լռության խորքում լռին ասածն է:

3. Անհնար է ապրել առանց հիասթափման, ինչպես որ ընթանալ առանց սայթաքումի, գործել առանց սխալի, մեծանալ առանց հագուստի կարճությունն ու նեղությունը զգալու։ Ճիշտ այդպես էլ ստվեր չի լինում լոկ այնտեղ, որտեղ լույս չկա, որտեղ համատարած մթություն է, և տաքության զգալու համար պարտադիր է առկայությունը սառնության։

4. Ինչքան աղքատ են միտքն ու զգացումը, նույնքան պերճ ու սիրուն են դառնում բառերը. ինչքան մանր ու ճղճիմ են հույզն ու խոհը, այնքան ծաղկուն ու պոռոտ է դառնում խոսքը:

5. Դու սիրո հետ միշտ հաշտ ապրիր, բայց խույս մի՛ տա տառապանքից.
Նա սրբում է աչքը փոշուց, նա մաքրում է հոգին ժանգից:

6. Բա՜ռը։ Նա նման է նորահարս աղջկա, որ միշտ հագած-կապած է, կոճկված ու ամոթխած, զգույշ ու խրտչուն։ Եվ նրան մերկ կարող է տեսնել այն տառապյալը միայն, որ սիրում է նրան իր կյանքից առավել և որին՝ երջանիկին, այդ պատճաոով էլ սիրում է ինքը բառը։

7. Օրենքները չեն ստեղծում մարդկանց, մարդիկ են օրենքներ ստեղծում։ Ու երբ պարզվում է, ոը այս կամ այն օրենքը այլևս չի համապատասխանում նրանց ապրելակերպին ու մտածելակերպին, ապա մարդիկ այդ օրենքը փոխում են մեկ այլ օրենքով, և դա կոչվում է բարենորոգում կամ հեղափոխություն:

8. Բայց քո հոգում եթե լինի բարո՛ւ, լավի՛, սիրո՛ կարոտ,
Դու չե՜ս հոգնի, դու կքայլես. կբարձրանաս դու սարն ի վեր:
Դրա համար ոգի է պետք, դրա համար պետք չեն թևեր:

9. Հանճար լինելուց առաջ և լինելու համար պետք է նախ մարդ լինել:

10. Նորի՛ց չեն սիրում, սիրում են կրկի՜ն, սիրում են միայն ու միայն մեկին։

11. Մի՛շտ էլ սիրածին պատահաբար են պատահում կյանքում
Ու հրաժեշտ են տալիս սիրածին անհրաժեշտաբա՜ր…

12. Խոստանում եմ բաց ճակատով զուր չխփվել հաստ պատերին, ինչի՞ համար,

Էլի պատը կմնա պատ, կպակասի մի լավ ճակատ։

13. Ապրել, ապրել, այնպես ապրել, որ դու չզգաս քո սեփական ծանրությունը,

Ապրել, ապրել, այնպես ապրել, որ դու չզգաս քո սեփական մանրությունը։

14. Օտարության մեջ ազատ լինելը այլ գերություն է, իսկ տան մեջ նույնիսկ գերի լինելը՝ այլ ազատություն։

15. Ճշմարտություն եմ ծախում, սարքովի…

16. Ապրելու կեսն էլ պատվով մեռնելն է։

17. Սիրո մեջ ամեն սկիզբ էլ միշտ տարբեր է, վերջն է նույնը, վերջն է նման։

Նյութը հրապարակման պատրաստեց zNews

Կիսվե՛ք Ձեր ընկերների հետ

Popular

ԹԵՍՏ․ Շատ քչերին է հաջողվում պատասխանել բոլոր հարցերին
Եթե կրծկալով եք քնում, անմիջապես կարդացեք ՍԱ
Սեռական կյանքը դարձել է սովորական. զույգերից ո՞վ է ավելի շուտ սառում և ինչո՞ւ
ԹԵՍՏ․ Այս վագրերից մեկը տարբերվում է մնացածից, կարո՞ղ եք նկատել նրան
Ոտքերի ցավը կարող է լինել վտանգավոր հիվանդության ախտանշան
Նստատեղի նյարդի բորբոքմանը հրաժեշտ տվեք ընդամենը 10 րոպեում այս բնական միջոցով
Թեստ. Կարո՞ղ եք գուշակել այս մրգերի անունները
Չինական այս հնագույն մեթոդը 99% ճշգրտությամբ թույլ է տալիս կանխատեսել երեխայի սեռը․ պարզեք ինքներդ
Մինուս 5 կգ՝ 7 օրվա ընթացքում․ Կատարյալ սննդակարգ, որը կօգնի ձեզ բարելավել կազմվածքը

Latest

Քսենիա Սոբչակը ռեպորտաժ է նկարահանել ՀՀ-ում տիրող իրավիճակի մասին (Video)
5 գործոն, որոնք բարձրացնում են գլխուղեղի կաթվածի հավանականությունը
Թեստ հանելուկ․ Գուշակեցի՞ք, թե որ համեմունքն էր
Ի՞նչ է հաստ աղիքի պոլիպն ու որ դեպքերում է այն վտանգավոր
Սուպեր Սաքոն նշանվել է. Ո՞վ է ռեփերի սիրելին (Photo, Video)
Ինչի՞ց են վախենում կանայք…
Ի՞նչ է տեղի ունենում օրգանիզմի հետ համբույրի ժամանակ
Փորի ճարպից ազատվելու էֆեկտիվ եղանակ` ընդամենը 1 օրում. 100% աշխատող միջոց
Մասնագետները նշել են աղիների քաղցկեղի մասին հուշող այն ախտանշանը, որը հաճախ է անտեսվում