Կիսաշրջազգեստը կնոջ կերպարը էլեգանտ և նրբագեղ է դարձնում։

Սակայն երբեմն աղջիկներն այնպիսի սխալներ են թույլ տալիս կիսաշրջազգեստ կրելիս, որ փչացնում են ամբողջ տպավորությունը։

Ոճաբանները կիսաշրջազգեստ կրելու ամենատարածված 7 սխալներն են ներկայացնում, որոնք պետք է հաշվի առնել։

zNews-ի հետ միասին տեսնենք, թե որոնք են դրանք.

1. Անհամապատասխան կոշիկ

Շատ կարևոր է ճիշտ կոշիկի ընտրությունը, որպեսզի կիսաշրջազգեստը գեղեցիկ երևա ձեր վրա։ Պետք է ղեկավարվել պարզ կանոնով. որքան երկար է կիսաշրջազգեստը, այնքան ավելի բարձր կարող է լինել կրունկը։ Մինիի դեպքում նախընտրելի է տափակ կրունկը։

2. Սխալ ընտրված վերև

Կարճ կիսաշրջազգեստը պետք է կրել ավելի փակ բլուզով, ավելի լայն ու երկար կիսաշրջազգեստը՝ լակոնիկ վերևով, իսկ նեղ, մարմինը գրկող կիսաշրջազգեստը՝ oversize սվիտերով։

3. Անհամապատասխան ներքնազգեստ

Կիսաշրջազգեստի տակից պետք է առանց կարերի մարմնագույն ներքնազգեստ հագնել։

4. Կիսաշրջազգեստի սխալ երկարություն

Պետք է միշտ հիշել, որ անկախ նորաձևության միտումներից՝ ցածրահասակ կանայք պետք է ծնկից վերև կիսաշրջազգեստներ կրեն, հակառակ դեպքում ոտքերը կարճ կերևան։

5. Անորակ կտորներ

Էժանագին կտորները ընդգծում են կառուցվածքի թերությունները և հազվադեպ են լավ երևում։ Ավելի ճիշտ է ամուր կտորներից կիսաշրջազգեստներ ընտրելը, որոնք կթաքցնեն ձեր կազմվածքի թերությունները։

6. Սխալ ընտրված ձև

Հաճախ աղջիկները ընտրում են կիսաշրջազգեստի ձևը՝ ելնելով նորաձևության միտումներից, և հաշվի չեն առնում իրենց կազմվածքի առանձնահատկությունները։Սակայն կան նաև ունիվերսալ ձևվածքներ. տրապեցիա, A-սիլուետ, «արև»։

7. «Ոչ տեղին» կիսաշրջազգեստ

Ցանկացած հագուստ պետք է ընտրել, ելնելով այն հանգամանքից, թե դրանով դուք որտեղ եք հայտնվելու։ Գրասենյակի համար հարմար է մատիտ– կիսաշրջազգեստը, միդին կամ մաքսին։ Երեկույթին կարելի է ինչ որ վառ և թեթև բան հագնել. այստեղ երևակայությունը սահմաններ չունի։ Բայց իհարկե, կարևորն այն է, թե որքան լավ եք դուք ձեզ զգում կիսաշրջազգեստի մեջ, մնացածն այնքան էլ կարևոր չէ։

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին