Խորովածի համային հատկանիշները կախված են մի շարք գործոններից, այդ թվում՝ միսը ճիշտ մարինացնելուց, մսի տեսակից, վառելիքից և այլն:

Հենց այդ պատճառով zNews-ը ձեզ է ներկայացնում մի քանի սխալ, որ անում են բոլոր մարդիկ, ինչպես նաև մի քանի խորհուրդ, թե ինչպես պատրաստել հանարավորինս համեղ խորոված:

Շամփուրի վրա մսի կտորները խիտ-խիտ շարելը

Մարդիկ կան, որ մսի կտորները շամփուրի վրա այնքան խիտ են շարում, որ այն ավելի շատ քյաբաբի տեսք է ստանում:

Բայց եթե ցանկանում եք, որ մսի յուրաքանչյուր կտոր ամբողջովին եփվի, արանքներում առնվազն 0.5սմ տարածք թողեք:

Միսն անհամաչափ կտորների բաժանելը

Կարծում ենք՝ բացատրելու կարիք էլ չկա, որ եթե մսի կտորները տարբեր չափերի են, ապա դրանք անհամաչափ կխորովվեն:

Ի դեպ՝ խորովածի համար մսի լավագույն չափը 2-3 սանտիմետրն է:

Մսի ու բանջարեղենի համադրությունը

Խոսքը, իհարկե, չի վերաբերում ուշ եփվող բանջարեղեններին, օրինակ՝ կարտոֆիլին:

Սակայն ոչ մի դեպքում պղպեղ, լոլիկ, սոխ կամ շուտ եփվող այլ բանջարեղեններ մի շարեք մսի հետ նույն շամփուրի վրա:

Բանն այն է, որ մինչև միսն ամբողջությամբ խորովվի, այդ բանջարեղեններն արդեն մոխրի վերածված կլինեն:

Վառելիքը

Եթե ուզում եք, որ ձեր խորովածն արագ ու համեղ պատրաստվի, ապա որպես վառելիք օգտագործեք միմիայն չփտած վառելափայտ կամ ածուխ:

Հին, կիսափտած փայտը ոչ միայն թույլ կրակ է ապահովում, այլ նաև մսին տհաճ համ է փոխանցում:

Կրակի բոցերի վրա խորովելը

Եթե փորձեք կրակի բոցերի վրա խորովել միսը կամ բանջարեղենը, դրանց արտաքին շերտն անմիջապես կսևանա, բայց կմնա հում:

Ուստի անհրաժեշտ է սպասել, մինչև բոցերը հանգչեն, և մնան միայն այրվող մոխիրները:

Մսի եփվածությունը ստուգելը

Եթե ցանկանում եք ստուգել՝ արդյոք միսը եփվե՞լ է, ոչ մի դեպքում մի կտրեք մսի բոլոր կտորները:

Երբ մսի վրա կտրվածքներ եք անում, այն կորցնում է իր հյութալիությունը, ուստի եփվածությունը ստուգելու համար ընտրեք ամենամեծ կտորը և միայն այն կտրելով ստուգեք, քանի որ եթե այն լավ եփվել է, ապա կարող եք վստահ լինել, որ մյուսներն էլ են եփվել:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ