Ճապոնուհիները նախընտրում են թեթև ֆիթնեսը՝ մարմինը գեղեցիկ պահելու համար և հազվադեպ են ուժային վարժություններ կատարում։

Ճապոնացի մարզիչ Քեյ Մացուին աղջիկներին ոտքերի և կոնքերի «Ֆուտպակո» անվանումով արդյունավետ վարժություններ է առաջարկում, որն այսօր ներկայացնում է zNews-ը։

Դուք կզարմանաք, բայց ոտքերն ու կոնքերը նիհարեցնելու վարժությունները պետք է քնից առաջ անել։

Վարժություններն անելուց առաջ մի փոքր նախավարժանք արեք՝ մարմինը տաքացնելու համար։

Ձիգ ոտքեր և կոնքեր

1. Պառկեք հատակին և ոտքերը հատակին ուղղահայաց վեր բարձրացրեք։ Եթե այդպես պահելը դժվար է, կարող եք մի թեթև ոտքերով և կոնքով հենվել պատին։

2. Ձեռքերի գլխի հետև տարեք, ուղղեք մեջքը։ Ծնկները թեթև կարող եք ծալել։

3. Ոտքերն այնպես դրեք, որ թաթերն ու կրունկները կպնեն իրար։ Այս դիրքից դանդաղ ոտքերը բացեք։ Պահպանեք հավասարակշռությունը։

4. Ոտքերը բացելիս կզգաք, թե ինչպես է ձգվում կոնքի ներսի հատվածը, դա նորմալ է։

5. Երբ զգաք, որ մկանները ձգվել են, երեք պարուրաձև շարժում արեք, կարծես փորձելով ոտքերը դեպի կողքերը ձգել և դանդաղ բերեք ելման դիրքին։ Կրկնեք 20 անգամ։

Հատակին պառկած կարելի է կարգի բերել նաև փորը

1. Մեջքի վրա պառկած ձեռքերը դրեք իրանի երկայնքով։ Ոտնաթաթերը ձգված են։

2. Ոտքերը ուղղահայաց պահեք։ Մի ոտքը իջեցրեք դեպի հատակը՝ առանց թաթը հատակին կպցնելու։ Մյուս ոտքն անշարժ է։

3. Մկրատաձև շարժումներ արեք ոտքերով` մեկ մի, մեկ մյուս ոտքով։ Եթե ուզում եք վարժությունը բարդացնել, ոտքերը ոչ թե ուղիղ անկյան տակ պահեք, այլ իջեցրեք դեպի հատակը։ Կրկնեք 20 անգամ։

Արդյունքը երկար չի սպասեցնի, արդեն 2 շաբաթից կնկատեք, որ ոտքերն ու կոնքերն ավելի ձիգ են դարձել։ Բայց մարզանքները մի դադարեցրեք, վերջնական արդյունքը տեսանելի կլինի 3 ամսից։

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին