«Մի փաթաթեք ձեր անցյալը շրջապատի վզին, եթե նրանք ձեզ դա չեն խնդրում». Շփման 8 ոսկե կանոն

Like on FB:

zNews-ը Ձեր ուշադրությանն է ներկայացնում ճիշտ շփմանը միտված 8 ոսկե կանոններ.

Շփվելով մեզ շրջապատող անձանց հետ՝ մենք ուզում ենք լավ տպավորություն թողնել, որպեսզի մարդը մեր շրջապատում իրեն հարմարավետ զգա:

Բայց մեզ ոչ միշտ է դա հաջողվում, քանի որ լավ ու դրական շփման համար մենք պետք է որոշ կանոններ իմանանք:

1. Մի կուտակեք վիրավորանքը. դա թանկ արժե: Անհրաժեշտ է ներել սովորել: Դա ուրիշին չէ պետք, այլ հենց ձեզ: Չնայած պարտադիր չէ այդ դեպքում շարունակել շփվել ձեզ նեղացնողի հետ:

2. Մի նեղացեք երեխաներից այն բանի համար, որ նրանք ձեզ չեն հասկանում: Հասկանալու համար կյանքի նույն ճանապարհն է պետք անցնել: Ձեր միջև բավականին մեծ ժամանակային բաց կա: Այդպես եղել է և այդպես լինելու է: Հայրերի և որդիների խնդիրը հավերժական խնդիր է:

3. Բարություն անելիս մի սպասեք, որ ձեզ բարությամբ պետք է պատասխանեն: Մի սպասեք, որ ձեզ շրջապատողները ձեզ պետք է սիրեն ու հարգեն: Սովորեք հաճույք ստանալ նրանից, որ դուք բարություն տվող ու կամեցող տեսակ եք, և մարդկանց լավություն եք անում այն ժամանակ, երբ ձեր հոգին ու սիրտն են ուզում, այլ ոչ այն ժամանակ, երբ ձեզ պարտադրում են:

«Օրհնված է նա, ով ոչնչի չի սպասում, քանի որ երբեք ստիպված չի լինի հիասթափվել»: Ա. Պոպ

4. Մի քննադատեք: Ինչպես Կարնեգին է ասել, քննադատությունն անօգուտ է այն պատճառով, որ այն մարդուն ստիպում է պաշտպանվել և, որպես կանոն, ձգտել արդարացնել ինքն իրեն: Քննադատությունը վտանգավոր է այն պատճառով, որ այն հարված է հասցնում քննադատվողի ինքնասիրությանը, կպչում է սեփական ինքնագնահատականին ու հարուցում է նեղվածություն:

5. Մի վիճեք: Միևնույն է, ոչ ոքի ոչինչ չեք ապացուցելու: Յուրաքանչյուրը մնալու է իր կարծիքին: Միևնույն է, մեկ ուրիշը ձեզ չի հասկանալու, քանի որ նա այլ կենսափորձ ունի: Կրկին հիշենք Դեյլ Կարնեգիին, ով ասում էր, թե աշխարհում վեճի մեջ հաղթող դուրս գալու միայն մեկ եղանակ կա. դա վիճելուց խուսափելն է:

6. Մի փափաթեք ձեր անցյալը շրջապատի վզին, եթե նրանք ձեզ այդ մասին չեն խնդրում: Ցանկացած ստիպողաբար արվող բան, ցանկացած ճնշում, անգամ, եթե դա սերն է, ագրեսիա է:

7. Գնահատելով այլ մարդու վարքագիծը՝ աշխատեք ուշադրություն դարձնել իրավիճակին ու հանգամանքներին: Ամբողջ պարադոքսն այն է, որ մենք ինքներս մեզ կարողանում ենք ներել մեր թուլությունները, վատ տրամադրությունը, ոչ պատշաճ վարքագիծը՝ հղում անելով ոչ բարենպաստ իրավիճակին և հանգամանքներին, սակայն նույն բանը երբեք չենք ներում ուրիշներին, և նրանց ամբողջական կերպարը կառուցում ենք՝ ելնելով նույն այդ իրավիճակից ու հանգամանքներից:

8. Մի սպասեք և, առավել ևս, մի պահանջեք, որ ուրիշները ձեզ նման լինեն: Կան մարդկանց տարբեր տեսակներ, որոնք միմյանցից տարբերվում են գիտակցության և ինքնագիտակցության տարբեր մակարդակներով: Մարդկանց միջև նմանօրինակ տարբերությունները ճիշտ նույնպիսին են, ինչ կենդանիների մոտ: Բայց նույնիսկ միևնույն տեսակի մարդկանց մոտ կան անհատական տարբերություններ: Այդ պատճառով էլ իմաստ չունի զարմանալ տարբեր մտքերի, արարքների, մոտիվների ու արժեքային համակարգերի վրա:

Նյութը հրապարակման պատրաստեց zNews

Տեղեկացրե՛ք Ձեր մտերիմներին

Popular

Բաներ, որոնց նկատմամբ տղամարդիկ անտարբեր են անկողնում
Թեստ. Ճանաչու՞մ եք հայ գրողների ստեղծագործությունները
Ինչու՞ են տղամարդիկ սիրուհի պահում
6 բան, որ չի կարելի անել սեռական հարաբերությունից առաջ
Կենդանակերպի 5 նշան, ովքեր 2022 թվականին հարստանալու մեծ շանսեր ունեն
Կենդանակերպի նշանների ինտիմ գաղտնիքները
Կանացի 5 սխալներ ինտիմ մերձեցման ժամանակ, որոնք փչացնում են հարաբերությունները
Թեստ․Իսկ դու տիրապետո՞ւմ ես մեր համով-հոտով բարբառներին
Թեստ․ Իսկ դու կարո՞ղ ես կռահել, թե որ հայ հայտնիներն են մինչ պլաստիկ վիրահատությունները

Latest

Տղամարդկանց ամենատարածված սխալներն անկողնում
Միայն շատ խելացի և ուշադիր մարդիկ կարող են գտնել այս հանելուկի պատասխանը
Նկարում գտեք երկրորդ` թաքնված վագրին
Քանի անցք կա այս կարմիր զգեստի վրա. մարդկանց միայն 7%-ն է կարողանում ճիշտ պատասխան տալ
Բացառիկ կադրեր՝ Պաշտպանության նախարար Սուրեն Պապիկյանի հարսանիքից (Video)
Գուշակություն՝ Նոստրադամուսի շրջանակի միջոցով. տվեք ձեզ հուզող ցանկացած հարց և ստացեք դրա ստույգ պատասխանը
Հարսանիքի ժամանակ փեսայի քայլից հարսը հազիվ զսպեց արցունքները. այդպիսի բան նա չէր սպասում (Video)
Համացանցում ներկայացնում էր, թե ամեն ինչ իդեալական է, բայց ինքնասպան եղավ (Photo)
Թեստ․Կկարողանա՞ք հաղթահարել 10 հարցից բաղկացած այս տրամաբանական թեստը