Ո՞րն է 2021 թվականի ամենատարածված օծանելիքը: zNews-ը ներկայացնում է այս տարվա ամենատարածված բույրերը:

Թերեւս այս ակնարկը օգտակար կլինի ոչ միայն կանանց համար, ովքեր կորոշեն իրենց պարգևաել նոր օծանելիքների գնմամբ, այլ նաև տղամարդկանց, ովքեր մտադիր են օծանելիք նվիրել  իրենց սիրելի կանանց։

Այս բույրերը Google-ի հարցումների հիման վրա ճանաչվել են ամենատարածվածը և ամենաշատը որոնվել տարբեր երկրներում:

1. Good Girl՝ Carolina Herrera-ից

• Վերին բնորոշիչներ՝ նուշ և սուրճ,
• Սրտի բնորոշիչներ՝ հասմիկի սամբակ և տուբերոզ,
• Հիմնային բնորոշիչներ՝ տոնկա և կակաո։

Ամերիկյան Carolina Herrera ապրանքանիշի հայտնի «կոշիկը» վերջին մեկ տարվա ընթացքում Google-ում որոնման առաջատարն է: Այնուամենայնիվ, չնայած այս օծանելիքի ժողովրդականությանը, դրա վերաբերյալ կարծիքներն արմատապես տարամիտվում են, և երջանիկ տերերը կամ սիրահարվում են «Լավ աղջկա» այս բույրին, կամ այն համարում չափազանց կպչուն և գլխացավ առաջացնող: Հնարավոր է՝ հենց այս տարաձայնությունն է այդքան սիրված դարձնում Carolina Herrera-ի Good Girl օծանելիքը. շատերը ցանկանում են անձամբ փորձել իրենց վրա և կազմել սեփական կարծիքը: Կամ էլ՝ դուք ցանկանում եք ձեզ զգալ որպես մայրաքաղաքի աղքիկ և էներգիայով լի բնակիչ, ինչպես խոստանում են բուրմունքի ստեղծողները:

2. Black Orchid՝ Tom Ford-ից

• Վերին բնորոշիչներ՝ սեւ գետնասունկ, սեւ հաղարջ, հասմիկ, իլագ-իլանգ, ցիտրուսայիններ,
• Սրտի բնորոշիչներ՝ լոտոս և սև խոլորձ,
• Հիմնային բնորոշիչներ՝ շոկոլադ, վանիլ, խունկ, պաչուլի և ճանդան։

2021-ի ամենահայտնի բույրերի շարքում երկրորդ տեղում է Tom Ford-ի Black Orchid-ն, որն արդեն դասական է դարձել: Ոմանք այս օծանելիքն անվանում են շքեղ և կարծում են, որ կնոջ ոճը պետք է համապատասխանի դրա բույրին, իսկ ոմանք էլ ՝ «խոնավացած»: Այնուամենայնիվ, ինչպես նրա կողմնակիցները, այնպես էլ հակառակորդները վստահ են, որ բոլորը գոնե մեկ անգամ պետք է փորձեն:

3. Daisy՝ Marc Jacobs-ից

• Վերին բնորոշիչներ՝ մանուշակի տերև, կարմիր թուրինջ և ելակ,
• Սրտի բնորոշիչներ՝ մանուշակ, գարդենիա և հասմիկ,
• Հիմնական բնորոշիչներ՝ մուշկ, լուսավոր ծառ և վանիլ։

Մրգահյութի, հատապտղի և ծաղկային բույրերի համադրությունն այս օծանելիքն այնքան սիրված է դարձնում, որ Google-ի որոնումների մեջ այն զբաղեցնում է 3-րդ տեղը: Կին երկրպագուների համար այս օծնելիքը կապված է ամառային ու արեւոտ օրերի հետ, իսկ ընդդիմախոսներն այն համեմատում են թարմ վարունգի հետ:

4. Black Opium՝ Yves Saint Laurent-ից

• Վերին բնորոշիչներ՝ տանձ, վարդագույն պղպեղ և նարնջի ծաղիկ,
• Սրտի բնորոշիչներ՝ սուրճ, հասմիկ և դառը նուշ,
• Հիմնական բնորոշիչներ՝ վանիլ, պաչուլի և մայրի։

Ափիոնը համարվում է Yves Saint Laurent նորաձեւության տան ամենահայտնի օծանելիքը, տարիների ընթացքում գերել է միլիոնավոր կանանց․ զարմանալի չէ, որ նույնիսկ հիմա, երբ օծանելիք են գնում, շատերը դիմում են դասականներին: Ճիշտ է, ամենահավատարիմ երկրպագուները կարծում են, որ 2014-ին թողարկված Black Opium-ն, այնուամենայնիվ, փոքր-ինչ զիջում է նախորդ տարբերակներին:

5. Sì՝ Giorgio Armani-ից

• Վերին բնորոշիչներ՝ սեւ հաղարջի տերև,
• Սրտի բնորոշիչներ՝ մայիսյան վարդ և ֆրեզիա,
• Հիմնական բնորոշիչներ՝ վանիլ, պաչուլի և փայտ։

Կանանից ոմանք այս օծանելիքի թեթև թարմ բույրը համեմատում են շամպայնի հոտի հետ և պնդում, որ այն հիանալի է ինչպես ձմռանը, այնպես էլ ամռանը:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ