Հավանաբար նկատել եք, որ շատ հաճախ նմանատիպ հագուստով (իսկ երբեմն էլ նույն հագուստով) մարդիկ արտաքինից շատ տարբեր տեսք ունեն:

Ոմանց պարագայում կերպարը նորաձեւ, ամբողջական, արժեքավոր է թվում:

Իսկ մյուսների վրա, չնայած տեսողականորեն հագուստը նման է, այդպիսի զգացողություն չի ստեղծվում:

Կարելի է երկար խոսել թանկարժեք պարագաների, օծանելիքի, զարդերի և դիմահարդարման մասին: Բայց չե՞ք տեսել այս բոլորն ունեցող կանանց, որոնց կերպարում, չնայած դրան, ինչ-որ բան այն չէ:

Ի՞նչն այստեղ այն չէ, և ինչո՞ւ է այդպես տեղի ունենում։

Չենք անդրադառնա այնպիսի ակնհայտ բաների, ինչպիսիք են կազմվածքը, դեմքի հատկությունները, հասակը և այլն: Հաճախ հարցը դրանցում չէ, իսկ բնական տվյալները յուրաքանչյուրի համար անհատական են: Միակ բանը, որ պետք է հաշվի առնել, մարմնի կողմից փոխանցվող վստահության աստիճանն է: Դուք կարող եք լինել համեստ ու անվստահ մարդ, բայց որոշ վարժությունների դեպքում այդ ամենն արտաքուստ նկատելի չի լինի:

Ուղիղ մեջքով, ուղղված ուսերով և բարձրացված գլուխով հանգիստ մարմինը միշտ շատ ավելի գրավիչ կթվա, քան կաշկանդվածը՝ գլուխը ցած և ներքև նայող հայացքով:

Լուսանկարչական նկարահանումների համար տրվող տարբեր խորհուրդները դա հիանալի կերպով ի ցույց են դնում:

Ահա մի պարզ օրինակ.

Առաջին և երկրորդ լուսանկարներում մույն մարդն է՝ ճիշտ նույն հագուստով: Բայց տարբերությունն ակնհայտ է: Դա ներքին ազատություն է, անկաշկանդվածությունը, ինքնավստահությունը: Հենց այս ուղերձն է տեսողականորեն ընկալվում:

Այս տեխնիկան աշխատում է անկախ կազմվածքից, հասակից, ավելորդ քաշից և այլն: Բոլոր դեպքում, կինը, ով գիտի, թե ինչպես զգալ իր մարմինը տարածության մեջ, գլուխը պահել ուղիղ և պարանոցը չքաշել ուսերի մեջ, միշտ ավելի լավ տեսք կունենա:

Օրինակի համար՝ մեկ այլ լուսանկար.

Նմանատիպ շրջազգեստներով կանայք են՝ սովորական պայմաններում: Նրանցից ո՞վ է ավելի լավ նայվում: Եթե կարծում եք, որ խնդիրը դեմքի կամ մազերի մեջ է, կարող եք պարզապես ձեր ափով ծածկել գլխի հատվածը:
Անշուշտ, ավելի գրավիչ տեսք ունի ձախից երկրորդը կանգնած կինը: Հարցը հաստատ հասակի մեջ չէ (նույն հասակի ևս երկուսը կան), ոչ էլ կազմվածքի՝ այն էապես չի տարբերվում: Այդ դեպքում՝ ի՞նչ տարբերություն:

Նայեք նրանցից յուրաքանչյուրի ափերին: Իսկ հիմա՝ ուսերին: Նրանցից միայն մեկի մոտ են ափերը չլարված, բայց, միևնույն ժամանակ, ուսերը ներքև են իջեցված: Մյուսների մոտ դրանք կամ առաջ ուղղված, կամ լարված են: Նույնը՝ կեցվածքի պարագայում է, միայն այդ կինն ունի ուղիղ մեջք: Մյուսների մոտ, ճիշտ է, կուզ չկա, բայց առկա է լարվածություն, անհանգստություն:

Պարզ օրինակ՝ գլխի և պարանոցի հետ կապված.

Որքա՞ն հեշտ է հետեւել մարմնին և սովորել արտահայտել առավելագույն հանգստություն ու վստահություն: Նախևառաջ՝ հարկավոր է ինքնուրույն աշխատել հայելու առաջ: Հայելու կամ հեռախոսի միջոցով կարող եք լավագույնս տեսնել, թե ինչպես եք նայվում կողքից: Հիշել, թե ուսերի, մեջքի, ձեռքերի որ դիրքում եք ամենագրավիչ տեսքն ստանում:

Կանանց ճնշող մեծամասնության համար բավական է լուծել միայն մեկ խնդիր՝ ուղղել կեցվածքը:

Դա անելու համար հարկավոր է մեջքի համար նախատեսված վարժություններ անել, ձգել մկանները: Դա ոչ միայն ձեզ հիանալի արտաքին տեսք կհաղորդի, այլև կօգնի մեջքն առողջ պահել և հետագայում ազատվել բազմաթիվ խնդիրներից:

Իհարկե, շատերի կողմից ցանկալի թանկարժեք ու ոճային կնոջ կերպար ստանալու համար կարելի է գնել թանկարժեք հագուստ, նորաձեւ պայուսակ ու կիրառել պրոֆեսիոնալ դիմահարդարում: Բայց այս ամենը գործում է միայն այն ժամանակ, երբ լուծված է հիմնական խնդիրը: Երբ ձեր մարմինը հանգիստ է և հարմարավետ, այդ ազատությունը զգացվում է և ակնհայտ տեսանելի է:

Փորձեք հետեւել ձեր մեջքի ու գլխի դիրքին ամբողջ օրվա ընթացքում և, ժամանակ առ ժամանակ, անցնելով հայելու կողքով, նայեք ձեզ կողքից: Դա շատ օգնում և մոտիվացնում է:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ