zNews-ը ներկայացնում է տնական մածուն պատրաստելու բաղադրատոմս։

1 լիտր մածուն ստանալու համար անհրաժեշտ է՝

• 1 լիտր կաթ (մի-փոքր քիչ)
• Մոտ 1 բաժակ (150 գ.) թթվասեր կամ մածուն

Որքան յուղալի լինի կաթն ու թթվասերը, այնքան յուղալի ու համեղ կլինի մածունը: Կարևորը դրանք լինեն բնական, առանց հավելումների:

Կաթը եռացնել, լցնել լիտրանոց տարրայի մեջ, թողնել, որ գոլանա:

Գոլանալու չափը որոշում ենք ճկույթի միջոցով, ինչպես տատիկները. եթե ճկույքի ծայրը կաթի մեջ մտցնելուց չի այրվում, ապա կաթը պատրաստ է, և կարելի է ավելացնել թթվասերը կամ մածունը, որը ցանկալի է լինի սենյակային ջերմաստիճանի:

Լավ խառնում ենք զանգվածը, ամուր փակում կափարիչով և ամուր փաթաթում տաք կտորով, ցանկալի է՝ բրդյա:

Պահում ենք տաք տեղում և ձեռք չենք տալիս:

12 ժամից մածունը պատրաստ կլինի:

Դնում ենք սառնարան և սպասում, մինչև կսառչի:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին