Ժամանակակից կանայք ավելի ու ավելի են հետաձգում երեխայի ծնունդը, բայց տարիքի հասկացությունը դրանից չի փոխվում:

Ահա թե ինչու է պետք իմանալ` ինչ կարելի է սպասել սեփական ֆերտիլությունից (հղիանալու և երեխա կրելու ունակություն), երբ լրացել է 30 տարիդ:

1. Քո ֆերտիլությունն անընդհատ է նվազում

Միգուցե և դու չես լսում կենսաբանական ժամերի թկթկոցը, բայց դրանք առաջ են գնում: Կանացի ֆերտիլությունն իր գագաթնակետին է հասնում 25 տարեկանում, իսկ 37-ում էականորեն ընկնում է:

2. Դու ձվաբջիջների սահմանափակ քանակություն ունես, որոնք կարող են բեղմնավորվել

Դժվար է պատկերացնել, բայց մեր ունեցած բոլոր ձվաբջիջները մենք մեր մեջ կրում ենք մեր ծննդյան պահից: Աղջիկը ծնվում է մոտավորապես մեկ միլիոն ձվաբջիջներով: Տարիքի հետ մենք դրանք կորցնում ենք: Սեռական հասունացման շրջանում մնում է մոտ 300 000 ձվաբջիջ: 37 տարեկանում` ընդամենը 25 000, ինչը նվազեցնում է բեղմնավորման հավանականությունը:

3. Տարիքի հետ մեծանում է վիժման ռիսկը

Քանի որ ձվաբջիջներն արդեն հին են համարվում, երբ դու 30-ն անց ես, դրանցում կարող են զարգանալ անոմալ քրոմոսոմներ, ինչը մեծացնում է վիժման վտանգը: 35 տարեկանից հետո այն կազմում է 20%, իսկ 45-ում՝ 80%:

4. Պետք չէ պարզապես հույսը դնել դեղամիջոցների վրա

Միգուցե հիմա դու երեխաներ չես ուզում, իսկ ինչ կլինի, եթե դու 30-ից կամ 40 տարեկանից հետո ցանկանաս պլան Բ-ից օգտվել, օրինակ, ԷԿՈ-ից կամ արհեստական բեղմնավորումից: Բայց տարիքի հետ հաջողակ երեխայի ծնունդը անգամ ԷԿՈ-ի կիրառմամբ նույնպես նվազում է:

Մինչև 35 տարեկան կանանց մոտ այն կազմում է արդեն ընդամենը 41.5, իսկ 35-ից հետո` 31.9 տոկոս: 40-ից հետո հաջող հղիության հավանականությունը ԷԿՈ-ից հետո կազմում է ընդամենը 22.1 տոկոս: Ոչ մի անհնարին բան չկա, բայց չկան նաև երաշխիքներ:

5. Դու պետք է գործես

Եթե քո տարիքը 35-ից բարձր է, և դու ուզում ես մայրանալ, դու պետք է ակտիվություն ցուցաբերես: Խոսիր ֆերտիլության մասնագետի հետ, հատկապես, եթե դու արդեն կես տարի փորձում ես, բայց չես կարողանում հղիանալ: Եթե դու 37 տարեկանից բարձր տարիք ունես, փորձիր 3 ամիս, իսկ հետո գնա մասնագետի մոտ:

6. Քո երեխան բարձր ռիսկի գոտում է

Տարիքային մայրերի մոտ բարձր է պաթոլոգիաներով, հատկապես՝ գենետիկ կամ քրոմոսոմային փոփոխություններով երեխա ծնելու հավանականությունը: 30-ամյս կանանց մոտ պաթոլոգիաներով երեխա ունենալու հավանականությունը 1:400 է, իսկ 40 տարեկանների մոտ` 1:100:

7. Եթե դու ծխում ես, դա ամեն ինչ խորացնում է

Ասում են՝ ծխելը քո վերարտադրողական տարիքին ավելացնում է ևս 10 տարի: Բայց եթե դու թողնես ծխելը, օրգանիզմն ունի վերականգնվելու հատկություն, և դա մեծացնում է հղիանալու քո հնարավորությունները: Եվ ընդհանուր առմամբ էլ առողջ կենսակերպը երեխա պլանավորելու ճանապարհին կարևոր քայլ է:

8. Դու ձվաբջիջները սառեցնելու հնարավորություն ունես

Եթե դու գրեթե 35 տարեկան ես և երեխա ես ուզում ունենալ, բայց ոչ հիմա, դու կարող ես սառեցնել ձվաբջիջները, քանի դեռ դրանք չեն ծերացել: Դու կարող ես դա անել մինչև 40 տարեկանը:

9. Հետևիր առողջությանդ

Ֆերտիլության մակարդակը նվազում է, ընդհանուր առմամբ` կապված տարիքային առողջության վատացման հետ: Ի հայտ է գալիս արյան զարկերակային բարձր ճնշման, դիաբետի ռիսկ: Այս ամենը կխանգարի պոտենցիալ հղիությանը:

10. Խնդիրը միայն քո մեջ չէ

40 տարեկանին մոտ նաև տղամարդկանց մոտ է սկսում նվազել ֆերտիլության մակարդակը: Նրանց մոտ պակաս ակտիվ է դառնում սպերման, ու քչանում են սպերմատոզոիդները: Տարիքով տղամարդկանց սպերմատոզոիդների բջիջները նույնպես կարող են գենետիկ անոմալիաներ զարգացնել:

11. Երեխա մի ունեցիր, եթե պատրաստ չես դրան

Թեպետ այս կետերից մի քանիսը քեզ կստիպեն խուճապի մատնվել, որ դու չես հասցնի երեխա ունենալ, կարևոր է հիշել, որ գլխավորն այն է, թե արդյո՞ք դու պատրաստ ես կատարել այդ քայլը: Միգուցե և ժամանակը սպառվում է, բայց դա չի նշանակում, որ դու այլևս չես կարող մայր դառնալ, երբ ցանկանաս:

12. Փոխարենը՝ դու կարող ես երկար ապրել, եթե հասուն տարիքում երեխա ունենաս

Հետազոտությունները ցույց են տալիս, որ վերջին երեխան 33 և ավելի տարեկանից հետո ունեցած կանայք ավելի երկար են ապրում, քան նրանք, ովքեր երեխա են ունեցել մինչև 29 տարեկանը:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ