«Ժողովուրդը, որը չի ցանկանում մահանալ, երբեք չի մահանա». Բոլոր ժամանակների ամենահայտնի մարդկանց մտքերը հայերի մասին

Like on FB:

«Հազարամյա պատմության ընթացքում հայերը աչքի են ընկել իրենց խիզախությամբ, իմաստությամբ, գրականությամբ, մշակույթով և շատ այլ առանձնահատկություններով»:

Այս մասին ասվում է Неизведанная Планета գիտահետազոտական պարբերականի հրապարակած հոդվածում, որտեղ ներկայացվել են տարբեր ժամանակների հայտնի մարդկանց` գրողների, կայսրերի, դերասանների, հոգևորականների խոսքերը հայ ժողովրդի և Հայաստանի մասին, որոնք ներկայացնում ենք ձեր ուշադրությանը:

1. Գայոս Հուլիոս Կեսար

«Երբ հայերը կանգնում են ուս-ուսի տված և ձեռք-ձեռքի բռնած` հողը ոտքի տակ տալով իրենց թմբուկների և ծիրանափողի ձայների ներքո, ավելի շուտ իմ պալատի սյուները փոշի կդառնան, քան նրանց հնարավոր կլինի կանգնեցնել»:

2. Մարկ Յունիան Յուստին, հռոմեացի պատմաբան

«Աններելի կլիներ չխոսել նման պետության մասին, որի սահմանները Պարթևստանից հետո ամենածավալունն են եղել բոլոր թագավորություններից, երբ Հայաստանը ձգվում էր Կապադովկիայից մինչև Կասպից ծով»:

3. Պարսից Դարեհ արքա

«Հայերին հնարավոր չէ հաղթել, նրանց հնարավոր է միայն բաժանել»:

4. Ռոքուել Քենտ, ամերիկացի նկարիչ, գրող

«Հայաստանը հրաշքների երկիր է: Եթե ինձ հարցնեին, թե մեր մոլորակի վրա որտեղ է հնարավոր հանդիպել ամենից շատ հրաշքների, ես ամենից առաջ կտայի Հայաստանի անունը…Ակամա ապշում ես, որ աշխարհի այս փոքր անկյունում կարելի է հանդիպել այնպիսի հուշարձանների ու այնպիսի մարդկանց, որոնք կարող են դառնալ ամբողջ աշխարհի զարդն ու հպարտությունը: Թող երիցս փառավորյալ լինի հողը հայկական, տաղանդների օրրանը, մեծ սխրանքների օրրանը»:

5. Պավլո Տիչինա, ուկրաինացի պոետ

«Ինչպես բարձր են Հայաստանի լեռները, այնքան բարձր է Հովհաննես Թումանյանի կերպարը: Որքան խորն են Հայաստանի լճերը, նույնքան խորն են Հովհաննես Թումանյանի մտքերը»:

6. Հովհաննես Պողոս II, Հռոմի պապ (1978-2005)

«Զոհաբերությունը հայոց պատմության անփոփոխ մասն է… Սպասում եմ այն օրվան, երբ կհամբուրեմ այդքան զոհերի արյամբ ջերմացած հայոց հողը»:

7. Ջորջ Բայրոն, անգլիացի պոետ

«Երկրագնդի վրա չկա մեկ այլ երկիր, որ այդքան հրաշքներով հագեցած լինի, որքան հայոց հողն է»:

8. Արմին Վեգներ, գերմանացի գրող և իրավապաշտպան, Հայոց ցեղասպանության լուսանկարիչ- հետազոտող

«Մինչ օրս աչքիս առաջ է ողջ ժողովրդի աքսորը իր սեփական հողից: Հայերը անպարտելի ժողովուրդ են»:

9. Էլիզաբեթ Բաուեր, ավստրիացի պատմաբան, հայագետ

«Թեև Հայաստանի մասին քիչ բան է հայտնի, Եվրոպան մշակութային ժառանգության առումով մեծապես պարտական է նրան: Պատմության արշալույսին Հայաստանը քաղաքակրթության բնօրրաններից էր»:

10. Ուիլյամ Գլադստոն, անգլիացի պետական գործիչ, գրող

«Հայաստանին ծառայել նշանակում է ծառայել քաղաքակրթությանը»:

11. Մաքսիմ Գորկի, ռուս գրող

«Ակամա հիշողությունը վերակենդանացնում է Հայաստանի ողբերգական պատմությունը 19-րդ դարի վերջին և 20-րդ դարի սկզբին` Կոստանդնուպոլսի կոտորածը, Սասունի կոտորածը, «մշակութային» Եվրոպայի քրիստոնյաների զզվելի անտարբերությունը»: Բարդ է հիշել բոլոր ողբերգությունները, որոնց միջով անցել է այս եռանդուն ժողովուրդը»:

12. Ֆրեդերիկ Շոպեն, լեհ կոմպոզիտոր, դաշնակահար

«Հայերը քրիստոնյա քաղաքակրթության հնագույն ժողովուրդներից են, ինչպես նաև ամենախաղաղ, ստեղծագործող և իմաստուն ազգերից մեկը ողջ աշխարհում»:

13. Մել Գիբսոն, ամերիկացի դերասան

«Հավատքի համար ցուցաբերած քաջությունը հայերի առանձնահատկությունն է քրիստոնեության առաջին իսկ օրերից մինչև մեր օրերը»:

14. Անատոլ Ֆրանս, ֆրանսիացի գրող, գրաքննադատ

«Պետք է խոստովանենք, որ այս ժողովուրդը խելացի և քաջ է, որ ձգտում է քաղաքակիրթ աշխարհի բարձր գաղափարների յուրացմանը: Ժողովուրդը, որը չի ցանկանում մահանալ, երբեք չի մահանա»:

15. Վալերի Բրյուսով

«Հայաստանը ամբողջ մարդկության հոգևոր կենտրոններից է»:

16. Ֆրիտյոֆ Նանսեն

«Հայ ժողովրդի պատմությունը համատարած փորձություն է` գոյատևման փորձություն…»:

17. Առնոլդ Շվարցենեգեր

«Այսօր Կալիֆոռնիան պատիվ ունի տուն լինելու հայոց սփյուռքի համար, որն ամենամեծն է Հայաստանի սահմաններից դուրս: Դա ծաղկուն համայնք է, հպարտ հիշեցումը հայ ժողովրդի գոյատևման և վճռականության մասին»:

18. Ֆրանց Վերֆել, ավստրիացի գրող

«Հայաստանը քաղաքակրթության օրրանն է, Հին աշխարհի ամենազարգացած և առաջատար երկրներից մեկը»:

Նյութը հրապարակման պատրաստեց zNews

Կիսվե՛ք Ձեր ընկերների հետ

Popular

Բաներ, որոնց նկատմամբ տղամարդիկ անտարբեր են անկողնում
Թեստ. Ճանաչու՞մ եք հայ գրողների ստեղծագործությունները
Ինչու՞ են տղամարդիկ սիրուհի պահում
6 բան, որ չի կարելի անել սեռական հարաբերությունից առաջ
Կենդանակերպի 5 նշան, ովքեր 2022 թվականին հարստանալու մեծ շանսեր ունեն
Կենդանակերպի նշանների ինտիմ գաղտնիքները
Կանացի 5 սխալներ ինտիմ մերձեցման ժամանակ, որոնք փչացնում են հարաբերությունները
Թեստ․Իսկ դու տիրապետո՞ւմ ես մեր համով-հոտով բարբառներին
Թեստ․ Իսկ դու կարո՞ղ ես կռահել, թե որ հայ հայտնիներն են մինչ պլաստիկ վիրահատությունները

Latest

Տղամարդկանց ամենատարածված սխալներն անկողնում
Միայն շատ խելացի և ուշադիր մարդիկ կարող են գտնել այս հանելուկի պատասխանը
Նկարում գտեք երկրորդ` թաքնված վագրին
Քանի անցք կա այս կարմիր զգեստի վրա. մարդկանց միայն 7%-ն է կարողանում ճիշտ պատասխան տալ
Բացառիկ կադրեր՝ Պաշտպանության նախարար Սուրեն Պապիկյանի հարսանիքից (Video)
Գուշակություն՝ Նոստրադամուսի շրջանակի միջոցով. տվեք ձեզ հուզող ցանկացած հարց և ստացեք դրա ստույգ պատասխանը
Հարսանիքի ժամանակ փեսայի քայլից հարսը հազիվ զսպեց արցունքները. այդպիսի բան նա չէր սպասում (Video)
Համացանցում ներկայացնում էր, թե ամեն ինչ իդեալական է, բայց ինքնասպան եղավ (Photo)
Թեստ․Կկարողանա՞ք հաղթահարել 10 հարցից բաղկացած այս տրամաբանական թեստը