1995 թվականին հարցազրույցի ժամանակ Դենիել Մորոուն հարցրեց Սթիվ Ջոբսին նրա հաջողության հիմնական գործոնների և այն մասին, թե որն է նրա կարծիքով հաջողակ գործարարի և չհաջողված գործարարի տարբերությունը։ Սթիվի պատասխանը շատ պարզ էր. համառությունը. բացառիկ համառությունը։
Չնայած բոլոր դժվարություններին, խոչընդոտներին և քաղցկեղի դեմ ծանր պայքարին, Ջոբսը հրաշալի հասկանում էր, որ հաջողության համար միայն մեկ բան է անհրաժեշտ, որը միշտ ուղեկցում է նպատակին, դա համառությունն է։ Հենց դա է, որ թույլ չի տալիս մարդուն հանձնվել։
zNews-ը հատվածներ է ներկայացնում Սթիվ Ջոբսի հետ հարցազրույցից։
«Եթե դուք ընտանիք եք կազմել և նոր–նոր եք սկսել ձեր գործը, ապա ես նույնիսկ չեմ էլ պատկերացնում, թե ինչպես եք կարողանում դա համադրել։ Հասկանում եմ, որ ինչ որ մի ձևի կարողանում եք, բայց դա շատ դժվար է։ Դա նույնն է, թե 18 ժամ օրական աշխատես, շաբաթական յոթ օր՝ առավոտից երեկո։ Եվ դա զիլ է, քանի որ այդ գրաֆիկով դուք հասցնում եք շատ բաներ անել։ Բայց այդպես չի կարող հավերժ շարունակվել, դուք ինքներդ էլ դա չեք ցանկանա։ Դրա համար էլ պետք է միանգամից որոշել ամենակարևոր ուղղությունները և դրանց վրա աշխատել ավելի ջանասիրաբար»։
Իր կյանքի վերջին տարիներին Ջոբսը գիտակցեց, թե հատկապես ինչն է ամենակարևոր բանը տեղեկատվական տեխնոլոգիաներում։ Եվ նա կիսվեց իր մտքերով բոլորի հետ։ Նրա խոսքերը ամենահայտնի ցիտատներից են դարձել, որ այսօր օգտագործում են հաջողակ ղեկավարները։
«Իմաստ չունի ընդունել խելացի մարդկանց աշխատանքի և ասել նրանց, թե ինչ անեն։ Մենք ընտրում ենք նրանց նրա համար, որ իրենք մեզ ասեն, թե մենք ինչ անենք»,– ասել է Ջոբսը։
Այլ խոսքերով ասած՝ որտեղ էլ որ աշխատեք՝ բանկում, IT-ընկերությունում թե հիվանդանոցում, աշխատանքի ընդունեք կոմպետենտ աշխատակիցների և թույլ տվեք նրանց անել իրենց գործը։
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին
