«Մարդը ստանում է այն, ինչ սպասում է». Վադիմ Զելանդ

Like on FB:

Եթե գիտակցությունը հասկանար այն ամենը, ինչ հոգին նրան ուզում է հասկացնել, մարդկությունը կստանար ինֆորմացիայի դաշտին ուղիղ մուտք ունենալու հնարավորություն:

Գիտակցությունը կարող է նոր տուն կառուցել հին խորանարդիկներից:

Բայց ստանալ սկզբունքորեն նորը, այսինքն` այն, ինչ չի կարելի ստանալ հնից, նա չի կարող:

Գիտության մեջ սկզբունքային բացահայտումները տեղի են ունենում ոչ թե տրամաբանական դատողությունների արդյունքում, այլ՝ որպես ճառագում, տեղեկություններ ոչ մի տեղից:

Նույնը վերաբերում է հանճարեղ հայտնագործություններին: Լավ երաժշտությունը հորինվում է ոչ թե նոտաների ընտրությամբ, այլ այն ինքնին է գալիս: Արվեստի գլուխգործոցները ստեղծվում են ոչ թե պրոֆեսիոնալ տեխնիկական կատարման արդյունքում, այլ ծնվում են ոգեշնչմամբ:

Եթե գիտակցությունը հասկանար այն ամենը, ինչ հոգին նրան ուզում է հասկացնել, մարդկությունը կստանար ինֆորմացիայի դաշտին ուղիղ մուտք ունենալու հնարավորություն: Դժվար է պատկերացնել, թե ինչ բարձունքների կհասներ մեր քաղաքակրթությունն այդ դեպքում: Բայց գիտակցությունը ոչ միայն չի կարողանում  լսել, այլև չի ուզում: Մարդու ուշադրությունը շարունակ զբաղված է կամ մեր աշխարհի օբյեկտներով, կամ ներքին խորհրդածություններով ու մտածմունքներով: Ներքին մենախոսությունը գրեթե երբեք չի դադարում ու գտնվում է գիտակցության վերահսկողության ներքո: Գիտակցությունը չի լսում հոգու թույլ ազդակները և ավտորիտար կերպով իրենն է պնդում:

Հոգին, ի տարբերություն գիտակցության, չի օգտվում նշաններից: Նա չի մտածում ու չի խոսում, այլ զգում է կամ գիտի: Այն ժամանակից ի վեր, երբ գիտակցությունը սկսեց դատել վերացական կատեգորիաների օգնությամբ, հոգու և գիտակցության միջև կապն աստիճանաբար ատրոֆիայի ենթարկվեց: Բացի այդ, գիտակցությունը շարունակ զբաղված է շատախոսությամբ: Նա համարում է, որ ամեն ինչ կարելի է խելամտորեն բացատրել, ու ողջ տեղեկատվության վրա հսկողություն է սահմանում: Հոգուց սոսկ անհասկանալի թույլ ազդանշաններ են գալիս, որոնք գիտակցությունը միշտ չէ, որ կարողանում է բնորոշել իր կատեգորիաների օգնությամբ: Անհասկանալի զգացմունքներն ու հոգու գիտելիքները սուզվում են գիտակցության բարձրաձայն մտքերի մեջ:

Գիտակցությունը խորհում է կայացած նշանների` խորհրդանիշների, բառերի, հասկացությունների, սխեմաների, կանոնների միջոցով: Սկզբունքորեն նոր գիտելիքի համար շատ դժվար է նշաններ գտնել:

Երբ չիրացված սեկտորից ստացված ինֆորմացիան դեռ խելամիտ բնորոշումներ չունի, գիտակցությունն այդ ինֆորմացիան ընդունում է՝ որպես ինչ-որ անհասկանալի գիտելիք: Եթե հաջողվում է այդ գիտելիքի համար նոր նշաններ ներմուծել կամ բացատրել դրանք հին նշանների սահմաններում, ծնվում է բացահայտումը:

Երբ խելամտության վերահսկողությունը թուլանում է, դեպի գիտակցությունն են ճեղքում ինտուիտիվ զգացմունքներ ու գիտելիքներ: Դա արտահայտվում է՝ որպես աղոտ նախազգացում, որն անվանում են նաև ներքին ձայն: Գիտակցությունը շեղվել է, ու այդ պահին դուք զգացել եք զգացմունքներ կամ հոգու գիտելիքներ: Դա էլ հենց առավոտյան աստղերի  շրշյունն է` առանց բառերի ձայնը, առանց մտքերի մտածողությունը, առանց հնչողության ձայնը: Դուք ինչ-որ բան հասկանում եք, բայց աղոտ: Չեք դատում, այլ ինտուիտիվ կերպով զգում եք:

Գիտակցությունը շարունակ զբաղված է մտքերի գեներացմամբ: Հոգու ձայնը տառացիորեն խլացվում է այդ մտքերի խառնարանում: Դրա համար էլ ինտուիտիվ գիտելիքները դժվարամատչելի են: Եթե կանգնեցնենք մտքերի վազքը ու պարզապես նայենք դատարկությանը, կարելի է լսել առանց բառերի ներքին ձայնը: Հոգին կարող է շատ հարցերի պատասխաններ գտնել, եթե լսես նրա ձայնը:

Հոգին շատ հաճախ գիտի, թե ինչ է իրեն սպասում: Եվ նա թույլ ձայնով փորձում է այդ մասին հայտարարել գիտակցությանը: Սակայն գիտակցությունն այն գրեթե չի լսում կամ նշանակություն չի տալիս աղոտ կանխազգացումներին: Գիտակցությունը չափազանց շատ է մտահոգված խնդիրների լուծմամբ ու վստահ է իր գործողությունների խելամտության վրա: Նա կամային որոշումներ է կայացնում` ղեկավարվելով տրամաբանական դատողություններով ու առողջ մտածելակերպով: Հոգին, ի տարբերություն գիտակցության, չի մտածում ու չի դատում: Նա զգում է ու գիտի, դրա համար էլ չի սխալվում:

Ցանկացած խնդրի մեջ գաղտնագրված են դրա լուծման բանալիները: Ամենաառաջին բանալին փոքրագույն դիմադրության ճանապարհով շարժվելն է: Մարդիկ, որպես կանոն, փնտրում են բարդ որոշումներ, քանի որ խնդիրներն ընկալում են՝ որպես խոչընդոտներ, իսկ խոչընդոտները, ինչպես հայտնի է, պետք է հաղթահարել ուժերի լարումով: Անհրաժեշտ է մշակել խնդիրն ամենապարզ ճանապարհով լուծելու սովորություն:

Նախ հետևեք, ապա գործեք: Մի խանգարեք ձեր կյանքին շարժվել հոսանքի ուղղությամբ, և դուք կտեսնեք, թե որքան հեշտ է ձեզ համար:

Հոգեկան դիսկոմֆորտը շատ հստակ նշան է: Ահա ձեզ պետք է ինչ-որ որոշում ընդունել: Մի պահ կանգ առեք, իսկ եթե ձեր գիտակցությունն արդեն որոշում ընդունել է, աշխատեք հիշողության մեջ վերականգնել, թե ինչ զգացողություններ եք ունեցել այդ որոշումը կայացնելիս: Եթե որոշումը ձեզ դժվարությամբ է տրվել, առանց ոգևորության, փոխեք այն:

Գիտակցության դժբախտությունն այն է, որ այն հակված է իր սցենարի մեջ չտեղավորվող իրադարձություններն ընկալել՝ որպես խոչընդոտներ: Գիտակցությունը սովորաբար ամեն ինչ պլանավորում, հաշվարկում է նախապես, իսկ եթե հետո անկանխատեսելի ինչ-որ բան է տեղի ունենում, սկսում է ակտիվորեն պայքարել դրա դեմ: Արդյունքում` իրավիճակն ավելի է խորանում: Գիտակցությունն ի վիճակի չէ ամեն ինչ կատարելապես պլանավորել: Հենց այստեղ էլ հոսանքին ավելի շատ ազատություն պետք է տալ: Հոսանքը հետաքրքրված չէ այն բանում, որ փչացնի ձեր ճակատագիրը: Դա նպատակահարմար չէ:

Նպատակահարմարությունը գիտակցության տեսանկյունից այն է, երբ ամեն ինչ գնում է նախապես պլանավորված սցենարով: Մարդը հաճախ է մարդկանց նվերներ մատուցում, որոնք նրանք հաճույքով չեն ընդունում, քանի որ նրանք դրանք չէին պլանավորել:

Զարմանալ ու զայրանալ կարելի է միայն այն բանի վրա, ինչը ձեզ անմիջականորեն խանգարում է, այն էլ՝ միայն այն դեպքում, եթե ձեր քննադատությունը կարող է ինչ-որ բան դեպի լավը փոխել: Երբեք մի քննադատեք այն, ինչ արդեն տեղի է ունեցել, և որը չի կարելի փոխել: Ավելի շատ հետևեք ու մի շտապեք վերահսկել: Չափի զգացումը ձեզ ինքը կայցելի:

Նյութը հրապարակման պատրաստեց zNews

Կիսվե՛ք Ձեր ընկերների հետ

Popular

Բաներ, որոնց նկատմամբ տղամարդիկ անտարբեր են անկողնում
Ինչու՞ են տղամարդիկ սիրուհի պահում
6 բան, որ չի կարելի անել սեռական հարաբերությունից առաջ
Թեստ. Ճանաչու՞մ եք հայ գրողների ստեղծագործությունները
Թեստ․ Իսկ դու կարո՞ղ ես կռահել, թե որ հայ հայտնիներն են մինչ պլաստիկ վիրահատությունները
Կանացի 5 սխալներ ինտիմ մերձեցման ժամանակ, որոնք փչացնում են հարաբերությունները
30 բան, որ նյարդայնացնում է տղամարդուն. մի՛ արեք, կանայք
«Կանանց անկյուն»․ Անձնական հիգիենայի պահպանման 10 կանոն
Ութ նշան, որ կինը տղամարդու հետ լինելու կարիք ունի

Latest

Սոդայի օգտագործման 15 եղանակ, որոնց մասին պետք է իմանա յուրաքանչյուր աղջիկ
Թեստ. Կկարողանա՞ք արդյոք անսխալ անվանել աշխարի ամենամեծ բաները
Իսկ դուք այստեղ նկատեցի՞ք կանաչ Lamborghini-ն. միայն սուր աչք ունեցողներն են այն տեսնում (Photo)
4 նշան, որ տղամարդը պատրաստվում է ձեզ լքել. շատերը նախընտրում են դրանք չնկատել
Այս ԹԵՍՏԸ կարող են անցնել միայն բարձրագույն կրթություն ունեցող մարդիկ
Հարց իսկական «Շերլոկ Հոլմսերի» համար. Ձեզ փակել են սենյակում հոգեկան հիվանդի հետ ու տվել 3 հնարավորություն. 3-ից ո՞րն է ճիշտ
9 խորհուրդ պրոֆեսիոնալներից, որոնք կօգնեն Ձեզ երկար ժամանակ պահպանել մազերի լավ տեսքը
Հանելուկ թագավորի և թագուհու՝ թույնով լի բաժակների մասին
5 աննրբանկատ հարցեր, որոնք նյարդայնացնում և հունից հանում են աղջիկներին