Մերկ քնելն իսկապես օգտակար է։
Այս սովորության շնորհիվ դուք ձեզ ավելի երջանիկ եք զգում, կարգավորում եք քունը եւ անգամ սկսում եք ավելի հաճախ սեքսով զբաղվել։
Ներկայացնում ենք յոթ պատճառ, թե ինչու է պետք մերկ քնել։
Դուք վերջապես հանգիստ կքնեք
Համաձայն Քնի բժշկության ամերիկյան ակադեմիայում կատարված ուսումնասիրությունների՝ մարդը խորը քնում է, երբ նրա մարմնի ջերմաստիճանը նվազում է, իսկ գիշերազգեստը խոչընդոտ է հանդիսանում մարմնի ջերմաստիճանի անկմանը։ Արդյունքում օրգանիզմի քնի ցիկլը խաթարվում է, ինչը կարող է անգամ անքնության պատճառ դառնալ։
Մերկ քնելը օգտակար է սեռական օրգանների համար
«Սեքս-դրայվ կանանց համար» գրքի հեղինակ Ջենիֆեր Լանդան պնդում է, մերկ քնելը օգտակար է կնոջ սեռական օրգանների համար։ Կնոջ հեշտոցն ասես խոնավ ջունգլի լինի, որը կարող է բակտերիաների եւ սնկային վարակների տարածման վայր դառնալ։ Ուստի, ազատվելով ձեր ներքնազգեստից եւ գիշերազգեստից՝ դուք թույլ եք տալիս, որ այն «հանգստանա» եւ ավելի առողջ մնա։
Դուք ավելի սեքսուալ եք զգում ձեզ
Մերկ քնելը եղել է, կա եւ կլինի սեքսուալ։ Երբ առավոտյան դուք եւ ձեր սիրելին մերկ արթնանում եք, ի՞նչ ցանկություն է առաջանում։ Այո, իհարկե, առավոտյան սեքսի։ Մերկ արթնանալն ու սիրելիին ձեր կողքին տեսնելը միանգամից սեքսուալություն, հետեւաբար նաեւ ինքնավստահություն են փոխանցում ձեզ։
Մերկ քնելն օգնում է ազատվել ավելորդ ճարպից
Մերկ քնելով կարելի է ազատվել ավելորդ ճարպից եւ անգամ նվազեցնել խոլեստերինի մակարդակը։ Ինչպես նշվեց, մերկ քնելը կարգավորում է քունը, իսկ նորմալ քունը բաղկացած է երկու ցիկլից՝ առաջինում նկատվում է կորտիզոլ հորմոնի ցածր մակարդակ, իսկ երկրորդում այս հորմոնի մակարդակը բարձրացնում է, քանի որ օրգանիզմն արդեն պատրաստվում է հաջորդ օրվան։ Եթե դուք քնելու ընթացքում արթնանում եք (օրինակ, գիշերազգեստն անհանգստություն է պատճառում) օրգանիզմում բարձրանում է կորտիզոլի մակարդակը, իսկ դրա ավելցուկը մեծացնում է ախորժակը։
Դուք արդեն պատրաստ եք սեքսով զբաղվել
Եթե դուք մերկ եք քնում, տրամաբանական է, որ դուք ավելի հաճախ եք սեքսով զբաղվում։ Իսկ որքան շատ եք սեռական հարաբերություններ ունենում, այնքան ավելի քիչ է սթրեսի ենթարկվելու, դեպրեսիայի մեջ ընկնելու հավանականությունը։
Դուք ստիպված չեք լինի ամեն օր ցնցուղ ընդունել
Երբ քնած ժամանակ դուք շոգում եք, սկսում եք քրտնել, ինչն էլ առավոտյան ստիպում է ձեզ լոգանք ընդունել։ Իսկ առանց գիշերազգեստի քնելու դեպքում դուք կխուսափեք այս ամենից եւ ամեն առավոտ 20-30 րոպե ժամանակ կխնայեք։
Մերկ քնելն ավելի հարմարավետ է
Հանգիստ քուն մտնելու համար հարկավոր է կատարյալ հարմարավետություն։
Գիշերազգեստ հագնելը ավելորդ գործ է
Ամեն գիշեր դուք ստիպված եք հանել ձեր հագուստները, գիշերազգեստ ընտրել եւ հագնել։ Սակայն ինչու տանջվել եւ ավելորդ ժամանակ կորցնել, եթե կարելի է միանգամից հանել հագուստը եւ քնել։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
