zNews-ը ներկայացնում է կարևոր խորհուրդներ, որոնք կարող են կյանք փրկել:

Քաղցկեղի նշանները վաղ փուլերում

Ահա, թե իսրայելցի բժիշկներն ինչ են խորհուրդ տալիս անել յուրաքնաչյուրին, ով ուզում է երկար և առողջ ապրել:

1. 40 տարեկանից հետո պետք է արյան ընդհանուր հետազոտություն անցնեն, որը կարող է պարզել լուրջ խնդրի առկայությունը:

2. 50-ն անց տղամարդիկ պետք է ամեն տարի շագանակագեղձի հետազոտություն անցնեն:

3. 40 տարեկանից հետո կանայք գոնե 2 տարին մեկ պետք է կանխարգելիչ մամոգրաֆիա անեն, տարին մեկ անգամ գինեկոլոգի այցելեն և ամեն տարի մամոլոգի մոտ խորհրդակցության գնան: Կարևոր է նաև պապաիլոմա վիրուսի առկայության ստուգումը:

4. 50 տարեկանից սկսած տղամարդիկ և կանայք պետք է ամեն տարի գաստրոսկոպիա և կոլոնոսկոպիա անցնեն:

5. Եթե ժառանգական պատմության մեջ ուռուցքային հիվանդություններ կան, պետք է խորհրդատվության դիմել գենետիկի:

6. Ամեն տարի այցելեք մաշկաբանի՝ պարզելու, թե արդյոք մաշկի վրա կասկածելի նորագոյացություններ չկան:

Պետք է շատ ուշադիր լինել սեփական մարմնի ազդանշանների նկատմամբ:

Փորկապությունը, կղանքի որակի ցանկացած փոփոխություն, զուգարանի թղթի վրա արյան հետքերը, խտացումը կնոջ կրծքում, մաշկի վրա բնածին բծերի առաջացումը և արագ աճն ազդանշաններ են, որոնք պետք է ստիպեն անհապաղ բժշկի դիմել:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին