Քրոնիկական ստախոսները հաճախ նույն արտահայտություններն են օգտագործում խաբելու համար:

Եթե զինված լինեք այդ խոսքերի ցանկով, խաբեության զոհ չեք դառնա:

zNews-ը ներկայացնում է 5 ատահայտություն, որոնք իմանալով՝ կկարողանաք խուսափել ստից:

1. Անկեղծ ասած/ճիշտն ասած

Մարդը, ով ակնհայտորեն փորձում է ձեզ խաբել, ավելի համոզիչ լինելու համար կասի. «անկեղծ»: Ստելու մտադրություն չունեցողներն այսպիսի արտահայտություններ չեն օգտագործի:

2. Չափից շատ մանրամասներ

Ստախոսները ստիպված են լինում մտապահել իրենց սուտ պատմության տարբեր մանրամասներ, որպեսզի սուտը չբացահայտվի: Նրանք հաճախ չափից շատ մանրամասներ են պատմում՝ փորձելով իրենց պատմությունն ավելի իրատեսական դարձնել:

3. Ես երբեք չեմ/ես միշտ

«Երբեք» և «միշտ» բառերն ինքնին սուտ են, քանի որ մենք հազվադեպ կամ երբեք այդպիսի ոչ մի բան չենք անում մեր կյանքում: Ստախոսն այս խոսքերն ավելացնում է խոսակցին ավելի հուսալի մարդ թվալու համար:

4. «Նրանք, նա» կամ «մենք» օգտագործելը ավելի հաճախ, քան «ես»-ը

Պատասխանատվությունից և «ես»-ի օգտագործումից խուսափելով՝ ստախոսները փորձում են ավելի մեծ վստահություն առաջացնել: Ձեզ հավատալ ստիպելու համար նրանք ավելի քիչ են օգտագործում «ես»-ով պնդումներ:

5. Հերքումներ, արդարացումներ և կարճ պատասխաններ

Ստող մարդիկ ավտոմատ կերպով հրաժարվում են որևէ մեղադրանքից, նույնիսկ եթե իրենց դեռ չեն հասցրել մեղադրել: Նրանք նաև փորձում են բացատրել՝ ինչու են որոշակի կերպ գործել, թեև իրենց այդ մասին չհարցրին: Ստախոսները կարճ արտահայտություններով են խոսում՝ քողարկելու համար, թե իրականում ինչ էր տեղի ունեցել:

Բացի այս 5 արտահայտություններից, որոնք ստախոսներն օգտագործում են իրենց հավատալ ստիպելու համար՝ նրանք ևս մի քանի ոչ լեզվական ազդանշան ունեն: Նրանք դրանք ակամա օգտագործում են խոսակցության ընթացքում:

Այդ նշաններից են՝

• դեմքին հաճախ դիպչելը և մազերը ոլորելը,
• կայուն տեսողական շփում՝ խոսելու ընթացքում չշեղվելով,
• հուզված և նյարդային տեսք,
• ոտքերն ուղղված են դեպի դուռը կամ ձեզնից հեռու:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին