Բացառապես սեղանի առջև անցկացրած աշխատանքային օրվա վերջում միշտ էլ շարժվելու, վարժությունների կարիք է զգացվում, բայց ոչ միշտ է հարմար դուրս գալ քայլելը կամ գրասենյակում մարզվելը:

Այդ պատճառով էլ zNews-ը առաջարկում է 7 վարժություն, որոնք կարելի է անել նստած վիճակում աշխատանքը շարունակելով:

Ձեռքերի ձգում

Ձախ ձեռքը արմունկից թեքելով բարձրացնել: Աջ ձեռքով ձգել ձախ ձեռքի արմունկը: Այնուհետև փոխել ձեռքերի դիրքը:

Գլխի վարժություն

Ուղղել մեջքը: Գլուխը թեքել աջ, ձախ, առաջ և հետ: Կրկնել մի քանի անգամ:

Գլխի շրջանաձև շարժումներ

Գլուխը թեքել դեպի աջ որքան հնարավոր է, այնուհետև թեքել դեպի ձախ դարձյալ որքան հնարավոր է: Կրկնել մի քանի անգամ:

Ուսերի շրջանաձև շարժումներ

Ձեռքերի ափերը դնել ուսերին: Արմունկներով պտտել դեպի առաջ: Նույն շարժումները կրկնել հակառակ ուղղությամբ:

Կրծքավանդակի մկանների ձգում

Ձեռքերը տարածել դեպի կողքերը: Մոտեցնել ափերը՝ ձեռքերը բարձրացնելով և հետ տանելով: Կրկնել մի քանի անգամ:

Մարմնի թեքումներ

Ձախ ձեռքը բարձրացնել: Մարմինը թեքել դեպի աջ: Կրկնել մի քանի անգամ: Նույնը մյուս ուղղությամբ կատարել:

Մարմնի շրջանաձև շարժումներ

Ձեռքերը առաջ պարզել և ագուցել միմյանց: Մարմինը պտտել դեպի աջ, այնուհետև դեպի ձախ: Կրկնել մի քանի անգամ:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին