zNews-ը ներկայացնում է մազերի խպնամքի հնդկական 8 գաղտնիք, որոնք կօգնեն շքեղ մազեր ունենալ:

1. Սառը ջրով ողողում

Գլուխը մի լվացեք տաք կամ նույնիսկ գոլ ջրով:

Երբ գլխամաշկը սառը ջրով եք լվանում, դա բացում է ծակոտիները և խթանում է արյան հոսքը դեպի մաշկ: Մազերն ավելի փայլուն կլինեն:

2. Ալոե վերայի հյութ

Ալոե վերայի հյութը խթանում է մազերի աճը և խնամում է գլխի մաշկը:

Ալոեի մի քանի տերև կտրեք, ամեն մեկը երկու մասի բաժանեք, որպեսզի հյութ առաջանա, ներմերսեք մազերի արմատների մեջ: Մերսումը կլավացնի արյան շրջանառությունը, ալոեի հյութն ավելի լավ կներծծվի:

3. Մերսում կոկոսի յուղով

Մի քիչ կոկոսի յուղ տաքացրեք 20 վայրկյան, քսեք գլխի մաշկին: Մաշկը նրբորեն մերսեք մատներով, որպեսզի յուղը ներծծվի մազարմատների մեջ:

Յուղը սնուցում է գլխի մաշկը և մաքրում է ֆոլիկուլները կուտակված ճարպից: Թողեք 30 րոպե, հետո լվացեք շամպունով: Պրոցեդուրան կրկնեք շաբաթական մեկ անգամ:

4. Ողողում խնձորի քացախով

Արթնացնում է մազերի ֆոլիկուլները, վերականգնում է pH-ը, պաշտպանում է թեփից և մաշկի չորությունից, օգնում է քանդել մազերի թնջուկը: Մեկ ողողումը բավարար է, որ մազերը փայլեն:

Խնձորի քացախ օգտագործեք շամպունի փոխարեն, արդյունքը կզարմացնի: Պրոցեդուրան կրկնեք շաբաթական մեկ անգամ:

5. Սպիտակուցային դիմակ մազերի համար

Մազաթափությունը հաճախ պայմանավորված է լինում սննդակարգում սպիտակուցի պակասով: Այս հնարքը կլավացնի պակասը և կյանք կտա մազերին:

Երկու ձվի սպիտակուցն առաձնացրեք դեղնուցից, հարեք և քսեք արմատներին: 30 րոպե անց լվացեք շամպունով, ձեր մազերը կփայլեն առողջությամբ:

6. Եթերայուղեր

Հնդիկները մազերի խնամքի համար շատ եթերայուղեր են օգտագործում: Լավագույն տեսակներն են՝ նուշի, ժոժոբայի, ռոզմարինի, լավանդայի և ծոթրինի յուղերը: Դրանք հանում են ծակոտիներում կուտակված յուղը և վերականգնում են վնասված ֆոլիկուլները:

Այս յուղերը կարելի է իրար խառնել կամ կոկոսի յուղի, հետո խառնուրդը քսել մազարմատներին: Թողեք մեկ ժամ, հետո լվացեք շամպունով:

7. Գլուխը քիչ լվալ

Ամուր, առողջ մազերի ևս մեկ գաղտնիք է ջրի և քիմիայի հետ նվազագույն շփումը:

Մշտական լվացումը և շփումն օճառի և շամպունի հետ մազերը զրկում են եթերայուղերից և խախտում են մաշկի pH-ը, ինչը հանգեցնում է մազերի թափվելու և սպիտակելու: Մազերը շաբաթական 1-2 անգամից հաճախ չլվաք:

8. Պանտենոլով դիմակ մազերի համար

Д- պանտենոլը սինթետիկ վիտմին В5-ն է, որը վերականգնում է Մազերի ֆոլիկուլները և բուժում է մազաթափությունը:

Պանտենոլը (փրփուրը կամ գելը) քսեք մաքուր մազերին՝ ուշադրությունը կենտրոնացնելով արմատների վրա: Կարելի է քսել նաև մազերի ամբողջ երկարությամբ՝ դրանք հարթեցնելու և ստատիկ էլեկտրականությունը վերացնելու համար:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին