Ժամանակին անգլիացի գրող Սոմերսեթ Մոեմն ասել է, որ որոշ ժամանակ մարդիկ իրեն լավ հումորիստ էին համարում:

Բանն այն է, որ իր վեպերում գրողը ճշմարտությունն էր նկարագրում, իսկ շրջապատողներին դա կատակ էր թվում:

zNews-ը ներկայացնում է Ուիլյամ Սոմերսեթ Մոեմի անկեղծ մտքերը` «Թատրոն», «Լուսին և վեցպենսանոց», «Սուր ածելիներ» և «Ստրկություն մարդկային» վեպերից:

1. Աշխարհում չկա ավելի հեշտ բան, քան ուրիշների դժբախտությունը հաղթահարելը:

2. Կարծում եմ` Աստված կամ իմ ներսում է, կամ ոչ մի տեղ:

3. Ճիշտ չէ, որ տանջանքները կոփում են մարդու բնավորությունը, երբեմն դա հաջողվում է, սակայն ավելի հաճախ տառապանքները մարդուն փոքրոգի ու վրեժխնդիր են դարձնում:

4. Միայն կինը գիտի` ինչի է ընդունակ մյուս կինը:

5. Ողբերգությունը նրանում է, որ մենք երբեմն հասնում ենք մեր ուզածին:

6. Հեշտ է սիրալիր լինել նրանց հետ, ում հանդեպ անտարբեր ես:

7. Կինը տղամարդուն հմայում է` գործի դնելով իր գրավչությունները և իր կողքին է պահում` գործի դնելով նրա թերությունները:

8. Մարդիկ սիրում են ծաղրել այն, ինչ չեն հասկանում:

9. Մարդիկ կարծիք են հարցնում, բայց սպասում են գովաբանության:

10. Աշխարհում միայն երկու բան է արդարացնում մարդկային գոյությունը` սերը և արվեստը:

11. Հենց սկսում ես մտածել անցյալի մասին, այլևս ապագա չունես:

12. Ոչինչ անհետևանք չի լինում:

13. Հանճարեղությունը ոչ այլ ինչ է, քան անսահման աշխատելու կարողությունը:

14. Բնավ էլ նույնը չէ ճիշտն ասելը ինքդ քո մասին և դա լսել ուրիշներից:

15. Մարդն այն չէ, ինչ ցանկանում է լինել, այլ այն, ինչ կարող է լինել:

16. Խոստումը երբեք չեն մոռանում նրանք, ում տալիս են դա, սակայն մշտապես մոռանում են այն տվողները:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին