Այսօր zNews-ը դոնդողով և բանանով համեղ աղանդեր է առաջարկում, որը հատկապես ամռան տապին հրաշալի քաղցր անակնկալ կլինի ձեր հյուրերի և տան անդամների համար։

Անհրաժեշտ բաղադրիչներ

• 1 լիտր յուղոտ թթվասեր
• 250 գր. շաքարավազ
• 3-4 բանան
• 30 գր. ժելատին
• Վանիլային շաքար և շոկոլադ՝ ըստ ցանկության

Պատրաստման եղանակը

1. Թթվասերը հանեք սառնարանից և թողեք դառնա սենյակային ջերմաստիճանի։ Այնուհետև հարեք և ավելացրեք շաքարն ու վանիլային շաքարը՝ հարելով այնքան, մինչև շաքարավազը լրիվ կհալչի։

2. Ջրային բաղնիքի վրա տաքացրեք ժելատինը, մինչև լրիվ կլուծվի ջրի մեջ։

3. Բանանը խորանարդիկներով կտրատեք։

4. Առանձին ամանների կամ բաժակների մեջ լցրեք բանանի կտորները։

5. Հիմա արդեն սառած ժելատինը միացրեք թթվասերի հետ։ Թթվասերը խառնելով՝ զգուշորեն ավելացրեք լուծված ժելատինը։

6. Հիմա թթվասերային զանգվածը լցրեք արդեն բանանով լցված բաժակների մեջ և դրեք սառնարանը։

7. Շոկոլադը մանր քերիչով քերեք և լցրեք բաժակների վրա։ Այն այնքան գեղեցիկ և համեղ է ստացվում, որ անտարբեր մնալն անհնար է։

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին