Վերացնել փորը` այն դարձնելով հարթ, մշտական հսկողություն պահանջող լուրջ խնդիր է:

Եթե իրավիճակը թողնվի ինքնահոսի, ապա շրջապատի մարդիկ կարծելու են, որ դուք գտնվում եք հատուկ իրավիճակում և հետաքրքրվելու են, թե քանի ամսեկան հղիություն ունեք:

Հեղուկի մեծ քանակության օգտագործման պարագայում կազմվածքում կլորիկություն է հայտնվում, և հարկ է լինում փրկել իրավիճակը` փորիկը թաքցնելով ազատ հագուստի տակ:

Ոչ ակնահաճո տեսքի վերացման հիմավոր կանոններից մեկը կեցվածքի հետևողական վերահսկողությունն է:

Ուղիղ մեջքը բարեկազմության և ձգվածության գրավականն է:

Խոսենք թերության քողարկման մասին:

Թեև գաղտնիքների զինանոցը շատ մեծ չէ, սակայն հույս ունենք, առաջարկվող եղանակները օգտակար կլինեն:

Խորհուրդ 1. Ընտրել սեղան-շրջազգեստ

Ազատ ձևվածքի հագուստ է, սակայն առանց կրծքի հատվածի կտրվածքի: Կլոր փորիկով նիհարիկների համար գրկող շրջազգեստն առավելագույնս կգրավի հետաքրքրասերների ուշադրությունը:

Կատարյալ այլընտրանք է սեղանաձև ուրվագիծը, որը չի գրկում և առանց կոնքերն ընդգծող գծերի է:

Բավական է չափավոր լայն փեշը և հարցը փակված կարելի է համարել:

Խորհուրդ 2. Չձգել

Դուրս ընկած փորը չի կարելի ձգել: Ոչ վերևից, ոչ փորի տակ, ոչ էլ՝ մեջտեղի հատվածում: Եթե դուք փորձում եք փորը տեսողականորեն փոքրացնել՝ այն ձգելով տաբատի կամ կիսաշրջազգեստի գոտիով, ապա միայն ընդգծում եք այն դուրս ցցված մասերը, որոնք գոտու վերևի ու ներքևի հատվածում են: Կիսաշրջազգեստն ու տաբատը պետք է փակեն դուրս պրծած մասն ամբողջությամբ, ընդ որում՝ չձգելով կամ չսեղմելով այն: Եթե դուրս պրծած հատվածի և կոնքերի միջև տարածությունը շատ մեծ է, ապա չարժե պայքարել , որ հետևի մասում կատարյալ նստի: Այստեղ որպես օրինակ դիտարկենք առանց գորու ձևվածքի կիսաշրջազգեստները. տեսանելի է, թե ինչպես է աչքի զարնում դորս պրծած փորի սահմանները:

Եթե կիսաշրջազգեստը կրում եք առանց բաճկոնի, ապա ավելի լավ է ընտրել ազատ ուրվագծերը՝ լայն գոտիով: Սակայն դա չի նշանակում, որ ուղիղ կիսշրջազգեստներ ձեզ ընդհանրապես չի կարելի հագնել: Պարզապես դրանք պետք է համադրել անթև կամ տարատեսակ բաճկոնների հետ, որոնք պետք է կրել առանց կոճկելու: Այդ պարագայում դրանք կքողարկեն փորի դուրս ցցված մասը:

Խորհուրդ 3. Ճիշտ կոճկեք

Եթե կոճկում եք բաճկոնը, պետք է հետևել, որ կոճկված կոճակը (կամ կոճակները) կանգնեն փորի ամենացցուն մասում: Եթե կոճկված մասը ստացվի փորի տակի հատվածում, ապա այն առաջ կընկնի և իր վրա կգրավի ուշադրությունը:

Զգուշորեն է պետք վերաբերվել այն տաբատներին և ջինսերին, որոնց շղթան առջևից է տեղակայված: Հաճախ այդ շղթաներն այնպես են կարված, որ բավականին ծավալուն են ստացվում, իսկ ցցված փորի դեպքում այդ ծավալը դառնում է ամենախնդրահարույց տեղը:

Սակայն հարկ է նշել, որ այս օրենքն ունի հաճելի բացառություններ. օրինակ՝ տափակ ամրակապիչներով ջինսերը, որոնք, հակառակը, «քաշում» են դուրս պրծած հատվածը: Այդուհանդերձ, ջինսի վրայից սվիտերով կամ տոպով փորը ձգել չարժե: Վերնահագուստը պետք է լինի ազատ և միայն թեթևակի գրկող:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ