Ներկայացնում ենք տնական երշիկի շատ պարզ բաղադրատոմս:
Բաղադրիչները՝
- Խոզի միս՝ 2.5 կգ
- Աղ՝ 0.5 կգ
- Սև հատիկավոր պղպեղ՝ 2 թ/գ
- Բուրավետ պղպեղ՝ 10 հատ
- Մեխակի բույլ՝ 10 հատ
- Դափնու տերև՝ 5 հատ
- 3 ճ/գ չոր աջիկա
- 0.5 թ/գ աղացած համեմ
- 2 ճ/գ պապրիկա
- 1 ճ/գ աղացած սև պղպեղ
- 4 ճ/գ խառնուրդ (համեմ, կանաչ և սև պղպեղ, էստրագոն, չորացրած սխտոր, չաման, թարխուն, ռեհան),
- 0.5 թ/գ չորացրած սխտոր
- 1 ճ/գ մարջորամ:
Պատրաստումը՝
Պատրաստի մսի վրա լցնել այնքան ջուր, որ այն ծածկվի ամբողջությամբ, հետո ջուրը լցնել առանձին տարայի մեջ:
Ամեն լիտր ջրի համար վերցնել 4-5 ճ/գ լիքը աղ, ավելացնել մեխակ, մի պտղունց պղպեղ, դափնու տերև: Հասցնել եռման վիճակի, քամել, թողնել՝ մարինադը սառչի:
Միսը դնել կաթսայի մեջ, վրան լցնել մարինադը, սեղմել ափսեով և 3 օրով դնել սառնարանը: Ցանկալի է պարբերաբար շրջել:
Անհրաժեշտ ժամանակի ավարտին միսը հանել մարինադի միջից, չորացնել, մի քանի ժամ դնել մամլիչի տակ՝ ավելորդ հեղուկը հեռացնելու համար:
Հետո միսը բաժանել երկու մասի, կեղևը շուռումուռ տալ համեմունքների մեջ, փաթաթել թանզիֆով, դնել տարայի մեջ՝ լավ փակելով, մեկ շաբաթով դնել սառնարանը:
1 շաբաթ անց միսը հանելով՝ թավալել մնացած համեմունքների մեջ, հանել թանզիֆը: Երեսը սրբել կտորով՝ էսթետիկ տեսքի համար: 1 ամիս չորացնել չոր, սառը տեղում: Որքան շատ, այնքան լավ:
