Armlady.am-ն այս անգամ անդրադարձել է երգիչ Արկադի Դումիկյանի մայրիկին՝ Ինգա Դումիկյանին։
Արկադի Դումիկյանն այն երգիչներից է, ում ստեղծագործություններում մշտապես կարևորվում է ընտանիքի ու ընկերների դերը: Իր հարցազրույցներից մեկում Արկադին խոստովանել է, որ մայրը՝ Ինգան, բավական բարդ կյանք է ունեցել։
Երգիչը խոստովանել է, որ ծանր մանկություն է ունեցել, և ստիպված է եղել փոքր տարիքից աշխատել՝ մորն օգնելու համար։
Արկադին անկեղծացել է , որ այն ամենի համար, ինչին հասել է, պարտական է հենց մորը։
Արկադին բացահայտել է, որ իր հայտնի «Մամա» տեսահոլովակն ինքնակենսագրական է:
Տեսահոլովակում երևում է, թե ինչպես է փոքրիկ տղան օգնել մայրիկին, առաքել նրա պատրաստած խմորեղենները, բենզալցակայանում է աշխատել։ Ի տարբերություն մյուս երեխաների՝ տեսահոլովակում տղան չի կարողանում բակում ժամանակ անցկացնել և երազում է երաժշտական գործիքի մասին։
Տեսահոլովակի վերջում տղան անակնկալի է գալիս, երբ տուն վերադառնալով՝ տեսնում է, որ մայրը գնել է իր համար երաժշտական գործիքը։
Այս ամենից միայն մի եզրակացություն կարելի է անել, որ տեսահոլովակի փոքրիկ տղան հենց Արկադին է, իսկ տեսահոլովակում ներկայացված իրականությունը հենց նրա ու նրա մայրիկի կյանքն է եղել։
Հավելենք, որ երգիչը երբևիցե չի խոսել հոր մասին։
Նշենք, որ Արկադիի մայրը բնակվում է Ռուսաստանում։
Նրա սոցցանցի էջում շատ են թոռնիկների լուսանկարները։
Հիշեցնենք, որ Արկադին և կինը՝ Սվետլանան, 3 երեխա ունեն՝ 2 դուսրտ և 1 որդի։
Աղբյուր՝ Armlady․am
