«Երբ դու լավ ես հագնված, մյուսները նկատում են քեզ, երբ վատ՝ քո հագուստը»,- ասում էր Կոկո Շանելը:

Նրա հետ դժվար է չհամաձայնվել, քանի որ հագուստը մեր կերպարի բաղկացուցիչ մասն է:

Ցանկացած վրիպում կարող է ձեր դեմ գործել, հատկապես երբ խոսքը առաջին հանդիպման կամ գործնական շփման մասին է:

zNews-ն հավաքել է կանոններ, որոնց հետևելով դուք միշտ լավ տեսք կունենաք:

1. Պիջակի մեջտեղի կոճակը միշտ կոճկվում է, վերևինը՝ ըստ ցանկության, ներքևինը՝ երբեք:

2. Վերնաշապիկի կամ բլուզի դեպքում կարելի է արձակել առավելագույնը 2 վերևի կոճակները:

3. Ականջօղերը համադրեք թևնոցի հետ, վզնոցը՝ մատանու: 3 կամ 4 իրը մեկ կերպարում չափազանց է:

4. Փողկապի ծայրը պետք է հասնի մինչև տաբատի գոտկատեղի գծին կամ մի քիչ ծածկի այն:

5. Կա՛մ մինի, կա՛մ դեկոլտե: Երկուսը մեկ հագուստում վուլգար տեսք ունեն:

6. Եթե առանց պիջակի եք վերնաշապիկը հագնում, փողկապ պետք չէ:

7. Գրասենյակային բլուզի կտրվածքը պետք է անրակից 10 սմ խորը չլինի:

8. Եթե վերնաշապիկը դնում եք տաբատի մեջ, պարտադիր գոտի կրեք:

9. Ցածր գոտկատեղով ջինսի և կարդիգանի միջև չպետք է մերկ մարմին երևա: Անհրաժեշտության դեպքում կարդիգանի տակից պետք է տոպ հագնել:

10. Գոտին պետք է գույնով համադրվի կոշիկների հետ:

11. Բոլոր երևացող պիտակները հագուստի վրա պետք է հանել:

12. Պրինտերի հարցում չափը չանցնեք: Թույլատրելի է համադրել նույն գույնի 2 տարբեր պրինտ կամ տարբեր չափի մեկ պատկերով պրինտեր:

13. Գուլպաները պետք է բավականաչափ երկար լինեն, որպեսզի նստելիս տաբատի տակից մերկ ոտքերը չերևան:

14. Գրասենյակային անթև բլուզը պետք է ուսերը ծածկի:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ