Դերասանուհի, ՀՀ վաստակավոր արտիստ Լալա Մնացականյանը միշտ մեծ սիրով է խոսել իր շան՝ Ալմայի մասին։
Մի առիթով դերասանուհին նշել է, որ շանն Ալմա են անվանել՝ իր, ամուսնու ու դստեր ու փեսայի անվան առաջին տառերով՝ Աշոտ, Լալա, Մանե, Արմեն։
«Ինքը 6 ձագուկներ ունեցավ։ Այդ մեկ ու կես ամիսը իմ կյանքի ամենաերջանիկ օրերից են եղել»,- պատմել է դերասանուհին։ Վերջինիս խոսքով՝ Ալմայից հետո ինքն այլևս որոշել է շուն չպահել։
«Շունը քեզ սիրում է ամեն տեսակ, նույնիսկ շատ տգեղ կամ լացած վիճակում։ Եթե անգամ գոռում ես, ջղայնանում ես վրան, ինքը, միևնույն է, քեզ սիրում է։ Ալման հիմա չկա, ուղղակի նրանից հետո ես երդվեցի, որ երբեք այլևս շուն չեմ պահի։ Ես չեմ դիմանում, ես չեմ ուզում այդ ցավը նորից ապրել։ Կորուստը, ցավը մեծ է»,- հարցազրույցներից մեկում անկեղծացել է Լալա Մնացականյանը։
