Ջրհեղեղներ ու երաշտ, հակամարտություն ու թագավորական սկանդալ, սրանք 2022-ի համար ֆրանսիացի աստղագետ ու մարգարե Նոստրադամուսի կանխատեսումներից մի քանիսն են։

Բրիտանական The Independent–ը հրապարակել է գալիք տարվա համար աստղագետի կանխատեսումներից մի քանիսը։

Նախ 2022 -ին ջրհեղեղներ կլինեն։ Մյուս կողմից էլ երկարատեւ երաշտ կնկատվի։

Նոստրադամուսը նաեւ կանխատեսել է կայծակահարություն, որից կմահանա «մեծ մարդը», հակամարտություն ֆրանսիական Ռեյմսում ու Լոնդոնում ու «մայրամուտի ճակատամարտ» ՝ մեծ ազգի մասնակցությամբ։

Աստղագետը կանխատեսել է «արեւմուտքի թուլացում» 2022 -ին, քանի որ «արեւելքը կթուլացնի արեւմուտքը»։

Նաեւ ըստ կանխատեսումների՝ 2022-ին թագավորական ընտանիքում սկանդալ կբորբոքվի, որը կապակցված կլինի թագուհու գաղտնազերծված նամակագրության հետ։

Ընդհանուր առմամբ աշխարհում որոշ ժամանակ հանգստություն կտիրի։

Երկար ժամանակ երկրի վրա խաղաղություն է տիրելու։

Մարդիկ անվտանգ ճամփորդելու են «երկնքում ու երկրի վրա, իսկ հետո նորից սկսվելու են պատերազմները»։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ