Նախաճաշը շատ կարևոր է, ուստի այն պետք է լինի ինչպես համեղ, այնպես էլ հագեցնող, սնուցող ու առողջարար:

Ձեր ուշադրությանն ենք ներկայացնում նախաճաշի մի հիանալի տարբերակ, որը ոչ միայն էներգիա կհաղորդի, այլև կօգնի կարգավորել արյան մեջ շաքարի մակարդակը, կնվազեցնի խոլեստերինի մակարդակն ու կմաքրի օրգանիզմը ճարպերից:

Բաղադրությունը.

• 1 բաժակ վարսակ,
• 2 բաժակ ջուր,
• 2 թեյի գդալ վանիլին,
• 1 թեյի գգալ դարչին,
• 2 ճաշի գդալ մեղր,
• 1 պտղունց ծովի աղ,
• 4 ճաշի գդալ չիա սերմեր:

Պատրաստման եղանակը.

Հարկավոր է ջուրը լցնել կաթսայի մեջ, ավելացնել դարչինն ու վանիլինը և դնել կաթսան կրակին մինչև ջուրը եռա: Եռալուց հետո կաթսան դնել ամենաթույլ կրակի վրա, ավելացնել վարսակը և եփել խառնուրդը ևս 5 րոպե: Կրակից վերցնելուց հետո հարկավոր է կաթսան ծածկել կափարիչով, թողնել 5 րոպե, այնուհետև ավելացնել մեղրն ու աղը, լավ խառնել և դեռ փոքր ինչ տաք նախաճաշին ավելացնել նաև չիա սերմերը:

Չիա սերմերն ու վարսակը շատ առողջարար բաղադրիչներ են, որոնք օգնում են ակտիվացնել նյութափոխանակությունն ու ամրապնդում են իմունային համակարգը: Բացի այդ, դրանք նպաստում են քաշի նվազմանը՝ մաքրելով օրգանզիմը կուտակված ճարպերից ու ազատելով որովայնի հատվածի տհաճ ճարպաշերտերից:

Վարսակը պարունակում է շատ օգտակար միացություն, որը կարգավորում է արյան մեջ շաքարի ու խոլեստերինի մակարդակները և ամրապնդում է սրտամկանը: Բացի այդ, այն նաև հարուստ է մեծ քանակությամբ սպիտակուցներով, մանրաթելերով ու հանքանյութերով:

Չիա սերմերը հագեցնում են օրգանիզմը օմեգա-3 և օմեգա-6 ճարպաթթուներով, ինչպես նաև պարունակում են ավելի շատ կալցիում, քան կաթն ու այլ կաթնամթերքը: Բացի այդ, այս սերմերն օգնում են կարգավորել սրտամկանի աշխատանքը, ինչպես նաև օժտված են հզոր հակաբորբոքային ու հակաօքսիդանտային հատկություններով: Դրանք շատ օգտակար են արթրիտից տառապողների համար և օգնում են կարգավորել խոլեստերինի մակարդակը:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին