Բազմաթիվ ըմպելիքներում և թեյի տարբեր տեսակներում պարունակվում է կոֆեին, որը խթանում է աղիների աշխատանքը, սակայն նման ազդեցությունը ոչ միշտ է օգտակար գրգռված աղու համախտանիշից տառապողների համար:

Նման դեպքերում մասնագետները խորհուրդ են տալիս նախապատվությունը տալ կոֆեին չպարունակող թեյերին, ուստի zNews-ը ձեր ուշադրությանն է ներկայացնում լավագույն թեյերը, որոնք կարելի է խմել այս տհաճ խնդրի դեպքում:

Քրքումով թեյ

Ուսումնասիրությունները ցույց են տվել, որ քրքումն օգնում է մեղմել աղեստամոքսային տրակտի հիվանդությունների ախտանշանները: Այս թեյը պատրաստելու համար հարկավոր է պարզապես քրքումի մի քանի կտորին ավելացնել մի բաժակ եռման ջուր, մի փոքր թրմել և խմել: Ցանկության դեպքում կարելի է թեյը պատրաստել նաև քրքումի հյութահանուկի միջոցով: Պարզապես անհրաժեշտ է ½ թեյի գդալ հյութահանուկն ավելացնել մի բաժակ գոլ ջրին, խառնել և խմել:

Հալվե վերայով թեյ

Այս նուտրիենտներով հարուստ բույսը պարունակում է նյութեր, որոնք լուծողական ազդեցություն են ունենում, ուստի հալվեով թեյը լավագույն միջոցն է գրգռված աղու համախտանիշի դեպքում փորկապությունից ազատվելու համար: Ընդ որում՝ թեյը պատրաստելու համար պարզապես հարկավոր է հալվեի մի քանի կտորին կամ հալվեի գելին ավելացնել տաք ջուր:

Անանուխով թեյ

Ուսումնասիրությունները ցույց են տվել, որ անանուխով թեյը շատ օգտակար է ստամոքսի համար, իսկ գրգռված աղու համախտանիշի դեպքում օգնում է ազատվել այնպիսի տհաճ ախտանշաններից, ինչպիսին է փորափքանքն ու գազերի կուտակումը:

Քրքումով ու սամիթի սերմերով թեյ

Սամիթի սերմերը հիանալի միջոց են մարսողության կարգավորման համար, իսկ քրքումի հետ համատեղելու դեպքում դրանք կօգնեն մեղմել ստամոքսի ցավն ու գրգռված աղու համախտանիշի մյուս տհաճ ախտանշանները:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին