Ցածրահասակ աղջիկն իրեն ավելի լավ կզգա ձեր կողքին, եթե դուք հիշեք այս մի քանի ոչ խորամանկ կանոնները։

1. Երբ դուք առաջին անգամ նրան տեսնում եք, պետք չէ բացականչել. «Օ՜յ, ինչ փոքրիկն ես դու»: Նա առանց ձեզ էլ դա գիտի: Պատկերացրեք, թե ինչ նա կզգա, երբ ամեն անգամ իր հետ ծանոթանալիս լսի այդ բառերը: Իսկ եթե դուք նրա հետ ծանոթացել եք առցանց, պետք չէ հանդիպման ժամանակ ասել, թե լուսանկարներում նա ավելի բարձրահասակ էր երեւում:

2. Ամեն բան, ինչ նա անում է, ձեզ հաճելի եւ զվարճալի է թվում: Սակայն մտքներովդ չանցնի նրան ասել, թե նա հաճելի եւ զվարճալի աղջիկ է: Նա ուզում է լինել սիրո աստվածուհի եւ ոչ թե զվարճալի աղջնակ, եւ որ դուք նրան նայելիս հիանաք, այլ ոչ թե զվարճանաք:

3. Փոքրիկս, պուճուրս եւ այլ հոմանիշները նրա համար այնքան էլ լավ քնքշանք արտահայտող բառեր չեն: Կոչեք նրան արեւս կամ մի այլ բան, բայց ոչ այն անունով, որը կստիպի նրան իրեն ավելի փոքր զգալ: Իհարկե, բացառություն են այն դեպքերը, երբ դուք դա քննարկել եք նրա հետ, եւ նա անկեղծ կարծում է, որ դրանում ոչ մի վիրավորական բան չկա:

4. Հաճախ ցածր հասակը զուգորդվում է բնավորության ուժեղ գծերով: Այդ պատճառով մի՛ զարմացեք, եթե փոքրամարմին ընկերուհին «պինդ ընկույզ» դուրս գա՝ կամային աղջիկ, որը համարձակ գնում է դեպի իր նպատակը:

5. Ամբոխի մեջ բռնեք նրա ձեռքը, հակառակ դեպքում նա կարող է իրեն այնքան էլ հարմարավետ չզգալ օտար թիկունքների այդ անտառում:

6. Մի՛ մխիթարեք նրան: Նա գիտի, որ իր հասակը նաեւ առավելություններ ունի: Նա կարող է բարձրակրունկ կոշիկներ կրել՝ առանց վախենալու, որ ընկերոջից բարձր կլինի: Նրա համար շատ հեշտ է իրենից բարձրահասակ ընկեր գտնել: Այս շարքը կարելի է շարունակել:

7. Եթե դուք իրերը պահում եք այնտեղ, որտեղ նրա ձեռքը չի հասնում, նա ձեզ կխնդրի հանել դրանք: Ամեն անգամ: Այնպես որ նրա իրերը մի՛ դրեք վերին դարակում:

8. Եթե ժամադրության ժամանակ դուք երկար զբոսանք եք պլանավորում, նախազգուշացրեք նրան: Հակառակ դեպքում նա ամենայն հավանականությամբ կգա բարձրակրունկ կոշիկներով եւ զբոսանքից քիչ անց քայլ անգամ չի կարողանա անել:

9. Դուք ստիպված եք կռանալ՝ նրան համբուրելու համար: Դե ինչ արած՝ դա էլ իր հմայքն ունի:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ