Մոսկվայի Կոմսոմոլսկայա պողոտայում անհայտ անձը սպանել է մի տղամարդու: Քննչական կոմիտեում հարուցվել է քրեական գործ սպանության փաստով:

Սպանվածը 62-ամյա գործարար Հովհաննես Քամարյանն է, նա խորհրդատվական ծառայություններ մատուցող ընկերության սեփականատեր է:

Քամարյանի ուղղությամբ կրակել են, երբ նա աղջկա հետ դուրս է եկել «Սեյջի» ռեստորանից: Անհայտ անձը կրակել է Քամարյանի մեջքին և գլխին, ինչից հետո նկարել է սպանվածին բջջային հեռախոսով և դիմել փախուստի: РЕН ТВ-ի տվյալներով, ենթադրյալ հանցագործը 25 տարեկան է, նրա նկատմամբ հայտարարվել է հետախուզում:

Իրավապահ մարմիններում ՏԱՍՍ-ի աղբյուրը հայտնել է, որ սպանվածի նկատմամբ Հայաստանում հայտարարվել էր հետախուզում: Նրան որոնում էին սպանություն նախապատրաստելու համար, նշում է ՌԻԱ Նովոստին:

ՌԴ ՔԿ-ից հայտնել են, որ հարուցվել է քրեական գործ ՌԴ ՔՕ 105-րդ հոդվածի (սպանություն) և 222-րդ հոդվածի (զենքի ապօրինի շրջանառություն) հատկանիշներով:

Դեպքի վայր է մեկնել ՔԿ Մոսկվայի գլխավոր վարչության ղեկավար Անդրեյ Ստրիժովը:

Քննությունը նաև գտնվում է Մոսկվայի դատախազության վերահսկողության տակ:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ