Էրեկտիլ գործառույթների հետ կապված խնդիրները կարող են զարգանալ ներզատական ու նյարդային համակարգերի աշխատանքի քրոնիկ խանգարումների, ինչպես նաև ալկոհոլի չարաշահման ֆոնին։ Այս մասին News.ru-ի հետ զրույցում ասել է ուրոլոգ Սերգեյ Գրոմովը։

Ինչպես հավելել է մասնագետը, էրեկտիլ դիսֆունկցիան կարող է զարգանալ նաև արյան շրջանառության խանգարման ու անոթների հետ կապված խնդիրների ֆոնին զարգացած երակների վարիկոզ լայնացման հետևանքով։

Բացի այդ, ռիսկային խմբում են նաև վահանագեղձի հիվադություններով տղամարդիկ և թունդ ալկոհոլային ըմպելիքները չարաշահողները։

«Էրեկտիլ դիսֆունկցիան զարգանում է կենտրոնական նյարդային համակարգի (ուղեղի և ողնուղեղի) և ծայրամասային նյարդային կառուցվածքների վնասման ֆոնին, ինչն էլ պայմանավորված է լինում ուռուցքների առկայությամբ, էպիլեպսիայով, գլխուղեղի կաթվածով, Պարկինսոնի և Ալցհեյմերի հիվանդություններով, ցրված սկլերոզով և գլխուղեղի՝ անոթային հիվանդություններով»,- նշել է բժիշկը։

Նա նաև խորհուրդ է տվել չչարաշահել անքնության դեմ դեղորայքը, անաբոլիկ անդրոգենային ստերոիդներն ու հակադեպրեսանտները, քանի որ դրանք ևս կարող են բացասաբար անդրադառնալ էրեկտիլ գործառույթների վրա։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ