Հաճախ, երբ զույգերը բաժանվում են, բաժանման նախաձեռնողն առաջարկում է «ընկերներ մնալ»:

Դա հիմնականում արվում է, որպեսզի մյուս կողմն ավելի հեշտ տանի բաժանումը:

Բայց հոգեբանները հավաստիացնում են, որ դա այդքան էլ լավ գաղափար չէ:

Եվ ահա թե ինչու:

-Մարդուն ժամանակ է պետք, որպեսզի հաղթահարի ցավն ու մոռանա բաժանման հետ կապված բոլոր բացասական էմոցիաները: Միայն դատարկելով հոգին՝ նա կարող է առաջ շարժվել: Իսկ դրա համար հին սերն ընդհանրապես չպետք է լինի հորիզոնում: Հատկապես նոր ընկերոջ կարգավիճակով:

-Շարունակելով շփվել` դուք կարծես թե ձեր հարաբերություններին շարունակվելու շանս եք տալիս: Եվ բանն այստեղ ոչ միայն զգացմունքների, այլև սովորության մասին է: Ուղեղով կարող եք հասկանալ, որ այլևս զույգ չեք, բայց ահա օրգանիզմը դրա դեմ պայքարում է:

-Նախորդ կետից հասկանում ենք հետևյալը. դուք երկուսդ էլ չեք կարող առաջ շարժվել: Ինչու՞: Քանի որ կա նախկինը, ում հանդեպ անհասկանալի է, թե ինչ ես զգում, և ով, հավանաբար, դեռ սիրահարված է քեզ, կամ հակառակը: Դուք միասին ձեզ հարմար չեք զգում, ընդհանուր ընկերները նույնպես:

-Ընդհանրապես պետք է որոշ ժամանակ դադարել հանդիպել: Շանս տվեք ձեր հոգուն հանգստանալ, իսկ վերքերին` լավանալ: Ինչպես ռուսական ասացվածքն է ասում` «С глаз долой, из сердца вон»: Որքան քիչ հանդիպեք, այնքան ավելի հեշտ կմոռանաք իրար:

-Ընկերներ մնալը բաժանումն ավելի քիչ ցավոտ չի դարձնի: Եվ ընդհակառակը: Պատկերացրեք մի պահ` հանդիպել մարդուն, բայց հնարավորություն չունենալ գրկել, համբուրել… Ավելի սարսափելի կլինի, եթե նախկինը նոր մարդու հետ սկսի հանդիպել, իսկ դուք մնաք որպես ընկեր: Սադո-մազոխիզմի պես բան է:

Մի խոսքով, բաժանվելիս բաժանվեք վերջնականապես: Իսկ եթե շատ եք ուզում ընկերներ մնալ, գոնե ձեզ ժամանակ տվեք, որպեսզի կրքերը հանդարտվեն:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ