Միոման կամ մկանուռուցքը կանանց վերարտադրողական համակարգի ամենատարածված բարորակ ուռուցքն է, որը ձևավորվում է արգանդի մկանային շերտից (միոմետրիում): Այս մասին Газета.Ru-ի հետ զրույցում ասել է գինեկոլոգ-ռեպրոդուկտոլոգ Ինգա Իբինաևան։
Բժշկի խոսքով՝ այս ախտորոշումով յուրաքանչյուր երրորդ կինը սովորաբար գանգատներ չի ունենում, իսկ ախտանշանների առկայության դեպքում էլ կլինիկական պատկերը տարբեր է լինում՝ կախված հանգույցների քանակից, տեղակայումից ու չափերից։
«Ընդհանուր ախտանշաններից կարելի է առանձնացնել դաշտանի բնույթի փոփոխությունը, որը դառնում է ավելի առատ, երկարատև, իսկ հաճախ՝ նաև ցավոտ։ Որոշ հիվանդներ գանգատվում են արյունահոսությունից, որը կապված չէ դաշտանի հետ»,- նշել է մասնագետը՝ նախազգուշացնեով, որ արյան զգալի կորուստը կարող է հանգեցնել անեմիայի՝ սակավարյունության զարգացման։
Ինչպես ընդգծել է բժիշկը, որոշ դեպքերում արգանդի միոման ուղեկցվում է արգանդին մոտ գտնվող օրգանների, այդ թվում՝ աղիների ու միզուղիների աշխատանքի խանգարումներով։
«Միոման կարող է հղիության հետ կապված դժվարություններ առաջացնել ինչպես առաջնային, այնպես էլ երկրորդային անպտղությամբ հիվանդների մոտ»,- նշել է գինեկոլոգը՝ հավելելով, որ վտանգը հատկապես մեծ է այն դեպքում, երբ ուռուցքի տեղակայումն այնպիսին է, որ այն աճում է դեպի արգանդի խոռոչը՝ այդ կերպ խոչընդոտելով սաղմի իմպլանտացիային։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
