Միջազգային առցանց հարթակ Wildberries-ը շարունակում է զարգացնել իր ենթակառուցվածքները Հայաստանում և հայտարարում է Երևանում նոր լոգիստիկ կենտրոնի բացման մասին։
Համալիրը գտնվում է Հաղթանակ թաղամասում և զբաղեցնում է մոտ 23 հազար քառակուսի մետր տարածք։ Մարտի 30-ից լոգիստիկ կենտրոնը սկսել է վաճառողների ապրանքների ընդունումը պահեստավորման համար։ Այն նաև հասանելի է դարձել «Մարկետփլեյս» մոդելով մատակարարումների համար։ Ապրանքների հասանելի կատեգորիաների ամբողջական ցանկը, ինչպես նաև կենտրոնի աշխատանքի վերաբերյալ լրացուցիչ տեղեկատվությունը կարելի է գտնել Wildberries-ի վաճառողների օգտահաշվում։
Նոր պահեստային կենտրոնը կարող է մշակել օրական մինչև 500 հազար ապրանք, ինչը թույլ կտա արագացնել առաքումը, բարձրացնել սպասարկման որակը գնորդների համար և ընդլայնել հնարավորությունները տեղական ձեռնարկատերերի համար։
«Երևանում նոր լոգիստիկ կենտրոնի բացումը կարևոր քայլ է Հայաստանում Wildberries-ի էկոհամակարգի զարգացման համար։ Մենք ստեղծում ենք ենթակառուցվածք, որը տեղական ձեռնարկատերերին թույլ կտա ավելի հեշտ կառավարել ապրանքների պահեստավորումը և զգալիորեն կպարզեցնի միջազգային շուկաներ դուրս գալու գործընթացները։ Մեր նպատակն է լոգիստիկան դարձնել հնարավորինս հարմար և արդյունավետ, որպեսզի հայ վաճառողները կարողանան ընդլայնել իրենց բիզնեսը և մեծացնել արտահանման հնարավորությունները», — նշել է Հայաստանում ընկերության տարածաշրջանային տնօրեն Դավիթ Միրզոյանը։
Նոր կենտրոնը կդառնա լոգիստիկ շղթայի կարևոր տարր՝ ապահովելով ապրանքների արդյունավետ մշակում և էլեկտրոնային առևտրի շուկայի զարգացում։ Վաճառողները կստանան ապրանքների առաքման լրացուցիչ հնարավորություններ, իսկ հաճախորդները՝ ավելի արագ առաքում։
Հիշեցնենք, որ Հայաստանում գործում է երկու լոգիստիկ կենտրոն՝ Հաղթանակ թաղամասում նորաբաց պահեստը և Արտաշիսյան փողոց, 106 հասցեում գտնվող տեսակավորման կենտրոնը։
