Պատմության մեջ հայտնի մարդկանցից մեկը, ում անունը իմաստության հոմանիշ է դարձել, հրեաների 3-րդ արքա Սողոմոն թագավորն է (մ.թ.ա. 975-928), ում խոսքերում արտահայտվում է հազարամյակներով փորձված իմաստությունը:

zNews-ը ներկայացնում է իմաստուն արքայի լավագույն մտքերը:

1. Ամեն ինչ իր ճիշտ ժամանակն ունի՝ կա ծնվելու և մահանալու ժամանակ, քանդելու և կառուցելու ժամանակ. լռելու և խոսելու ժամանակ:

2. Հիմարն էլ կարող է իմաստուն թվալ, երբ լռում է:

3. Խոսք ես տվել, կատարիր: Ավելի լավ է չխոստանալ, քան խոստանալ և չկատարել:

4. Երկուսով ավելի լավ է, քան միայնակ, քանի որ ընկնելու դեպքում, միմյանց կբարձրացնեն: Բայց մեծ վիշտ է, եթե մեկն ընկնում է, սակայն նրան բարձրացնող չկա:

5. Իմաստուն կինն իր տունն է շենացնում, իսկ հիմարը՝ քանդում այն սեփական ձեռքերով:

6.Ավելի մեծ երջանկություն չկա, քան սեփական գործերով ուրախանալը, քանի որ հենց դրա մեջ է մարդու ձեռքբերումը:

7. Ով փոս է փորում, նա էլ ընկնում է փոսը: Իսկ ով կգլորի քարը վերև, նրա վրա էլ ետ կգլորվի այն:

8. Ով հետևում է իր խոսքերին, փրկում է հոգին, իսկ ով բամբասում է, նրան վիշտ է սպասվում:

9. Համբերատար մարդն ավելի ուժեղ է, քան խիզախը: Իսկ ինքնատիրապետող մարդն ավելի հզոր է, քան քաղաք զավթողը:

10. Խելամիտները տեսնում են վիշտը և շրջանցում այն, իսկ անփորձները շարժվում են առաջ և պատժվում:

11. Կարևորը իմաստությունն է. իմաստություն ձեռք բեր և ամեն գնով փորձիր զարգացնել միտքդ:

12. Ով ողջ է, նրա համար դեռ հույս կա:

13. Ատելությունը խնդիրներ ու տարաձայնություններ է ստեղծում, իսկ սերը ծածկում է բոլոր մեղքերը:

14. Ավելի օգտակար է իմաստությունը, քան հիմարությունը. ինչպես օգտակար է լույսը, քան խավարը: Բայց միևնույն ճակատագրին կարժանանան և՛ իմաստունը, և՛ հիմարը:

15. Նույնիսկ ծիծաղելիս է սիրտդ երբեմն ցավում, և ցանկացած երջանկություն տխրությամբ է ավարտվում:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ