Միայն երեխաների ու դեռատի աղջիկների արմունկներն են լինում սպիտակ: Ժամանակի ընթացքում արմունկների մաշկն անխուսափելիորեն մգանում է, դառնում անհարթ,որոշ դեպքերում թեփոտում է ու նույնիսկ ցավում:

Երբեմն մուգ արմունկների պատճառը ներզատիչ համակարգի խանգարումն է, վահանաձև գեղձի հիվանդությունը, որն այլ կերպ անվանում են «Բերի համախտանիշ»: Արմունկների մաշկի մգացման կարող է հանգեցնել նաև Ա և Բ վիտամինների պակասը: Նման դեպքում պարտադիր է մասնագետի օգնությունը:

Մեկ պատճառ էլ համարվում է աշխատանքի, ընթերցանության ու հաց ուտելու ժամանակ արմունկներով սեղանին հենվելու սովորությունը:

Ցավոք, սովորությունը զորեղ է, ու հետ սովորելու համար գիտակցություն, կամք ու մեծ ցանկություն է պահանջվում:

Իսկ ի՞նչ կարելի է անել, որ մուգ արմունկները աչքի չզարնեն: Բանն այն է, որ մեծ մասն այդ գույնը «սխալ է մեկնաբանում»` կարծելով, որ դա պայմանավորված է անբավարար խնամքով կամ անմաքրությամբ:

Շատերը ձեռքերը քսուքապատելուց հետո չեն մոռանում նաև արմունկների մասին: Դա խելացի քայլ է, սակայն խնդրի լուծման համար` ոչ բավարար: Որքան մարդը հասուն է, այնքան խնդրի լուծման համար ավելի պետք է ջանք դնի: Այս դեպքում կարող են օգնության հասնել ժողովրդական իմաստուն միջոցները.

Կիտրոն. կիսած կիտրոնը ոչ միայն արմունկների գունաբացման համար հրաշալի միջոց է, այլև կփափկեցնի կոշտացած մաշկը: Կիտրոնով պետք է շփել արմունկները կամ արմունկը մտցնել կիսած կիտրոնի մեջ ու առաձգական կապով ֆիքսել վրան: Իսկ կիտրոնը հեռացնելուց հետո առատ քսուք պետք է քսել:

Նույն նպատակի համար կարելի է նաև թուրինջ օգտագործել, սակայն պետք է հիշել, որ եթե արմունկների մաշկը վնասված է, ապա ավելի լավ է հետաձգել այդ գործողությունը:

Անուշադրի սպիրտով լոգանք արմունկների համար.1լ տաք ջրին ավելացնել 1 թ/գդալ անուշադրի սպիրտ ու մի քիչ հեղուկ օճառ: Այս խառնուրդը լցնել 2 պլաստիկե ամանի մեջ ու արմունկները 15-20 րոպե դնել այդ լուծույթի մեջ, ապա լվանալ գոլ ջրով, չորացնել ու կրկին քսուքապատել: Այս միջոցը նույնպես ոչ միայն սպիտակեցնում է արմնկամաշկը, այլև փափկեցնում:

Շատերին են հայտնի ձեթով լոգանքներն արմունկների համար: Տաք, հաճելի ջերմության ձեթով (զեյթունի, նշի, երգիպտացորենի) ամանի մեջ իջեցնել արմունկները, ապա 4-5 րոպե այդ ձեթով մերսել: Դրանից հետո ձեթի ավելցուկը մաքրել անձեռոցիկով: Լվանալ պետք չէ, քանի որ ձեթն ամբողջությամբ ներծծվում է:

Խնձորի քացախով թրջոց.2-3 ճ/գդալ որակյալ քացախին նույնքան ջուր ավելացնել, ապա երկու թանզիֆե անձեռոցիկ թրջել այդ լուծույթով ու դնել արմունկներին, փաթաթել առաձգական կամ սովորական թանզիֆով: Նման միջոցը պետք է կիրառել 10-12 օր, կես ժամ տևողությամբ:

Կօգնի նաև կարտոֆիլը. հում կարտոֆիլի քերուկը (ամենամանր անցքերով անցկացրած) նույնպես արդյունավետ սպիտակեցնող միջոց է, բացի այդ, օսլան փափկեցնում է արմնկի մաշկը:

Դիմակների ու թրջոցների միջոցով լավ արդյունք ստանալու համար հարկավոր է արմունկների կոպիտ մաշկը կանոնավոր մաքրել:

– Նուրբ փիլինգը թթվասերի մեջ կիտրոնի հյութի ավելացմամբ կամ թթու դրած կաղամբը լավ կսպիտակեցնի ու կմաքրի մուգ հատվածները: Մշակված հատվածները պետք է լվանալ սառը հոսող ջրով ու խոնավեցնող քսուք քսել:

-Լավ արդյունք է տալիս աղով ու թթվասերով խառնուրդը. հարկավոր է 2 ճ/գդալ թթվասերին ավելացնել 1 ճ/գդալ աղ: Խառնուրդը քսել արմունկների մաշկի խնդրահարույց հավածներին, 2-3 րոպեից լվանալ ու սնուցող քսուք քսել:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ