Մայրանալուց հետո երգչուհի Պոլինա Գագարինան գիրացել էր 30 կիլոգրամով:

Սակայն, ի տարբերություն շատերի, նա ձեռքերը վայր չդրեց:

Երգչուհին նշում է, որ այժմ դիետայի չի հետևում, սակայն ավելորդ քաշը ետ չի վերադառնում:

Կամքի ուժն ու առողջ սնունդը նրա հաջողության գաղտնիքն են:

Ինչպես է նիհարել երգչուհին

Երգչուհու դիետան խիստ, բայց չափազանց արդյունավետ սնվելու պլան է:

Ակտիվ նիհարելու ընթացքում Պոլինա Գագարինան 18:00-ից հետո ոչինչ չէր ուտում, օրվա ընթացքում 2 լիտր ջուր էր խմում, քաղցր թեյ և սուրճ չէր խմում:

Երգչուհու սննդակարգից դուրս էին մնում ալյուրից պատրաստված, քաղցր մթերքները, ֆասթ-ֆուդը, յուղոտ և կալորիական ճաշատեսակները:

1. Բրնձի օր: Թույլատրվում է ուտել միայն խաշած բրինձ: Դրան կարելի է ավելացնել նաև համեմունքներ:
2. Մսի օր: Թույլատրվում է ուտել միայն խաշած հավի միս:
3. Բանջարեղենային օր: Թույլ է տրվում ուտել խաշած բանջարեղեն, ինչպես նաև սուպ: Չի կարելի կարտոֆիլ ուտել, խորհուրդ է տրվում լոբազգիներ օգտագործել:

Բացի սննդակարգին հետևելուց՝ երգչուհին նաև ֆիզիկական ծանրաբեռնվածություն է ավելացրել իր օրակարգին:

Այս դիետային երգչուհին հետևել է 6 ամիս:

Այժմ նա հետևում է հավասարակշռված սննդակարգի՝ ավելի շատ մրգեր, բանջարեղեն, ընդեղեն, ոչ յուղոտ միս և ձուկ:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ