zNews-ը ներկայացնում է կեղծ սնունդը ճանաչելու 10 միջոց:

1. Կաթնաշոռ

Առավել հաճախ մթերքի քաշն ավելացնելու համար արտադրողներն օսլա են ավելացնում:

Կաթնաշոռում օսլայի առկայությունը ստուգելու համար մի կտոր կաթնաշոռի վրա մի քանի կաթիլ յոդ լցրեք և խառնեք: Անորակ մթերքն արագ կկապտի:

2. Կաթ

Տնտեսելու և պիտանելիության ժամկետը երկարացնելու համար արտադրողները որակյալ կաթից հեռացնում են լրացուցիչ յուղը կամ այն ավելացնում:

Ոչ իսկական կաթը հայտնաբերելու համար պետք է կաթը խառնել սպիրտին 1:2 հարաբերակցությամբ: Իսկական կաթի մեջ 5-7 վայրկյան անց փաթիլներ կառաջանան, ոչ մաքուր կաթի մեջ՝ ավելի ուշ:

3. Շաքարածո մրգեր

Իսկական շաքարածո մրգերը պատրաստվում են մրգերով, հատապտուղներով և բանջարեղենով: Դրանք եփում են մրգահյութով, հետո չորացնում: Շաքարածո մրգերը չպետք է շատ վառ գույն ունենան:

Դրանց որակը ստուգելու համար շաքարածո մրգերը լցրեք տաք ջրի մեջ, մի քանի րոպե անց ներկը կանջատվի, դրանք անգույն կդառնան կամ կլուծվեն: Սա խոսում է այն մասին, որ արտադրողներն իսկական մրգերը փոխարինել էին դոնդողով և ներկանյութերով:

4. Կարագ

Իսկական կարագի վրա եռացած ջուր լցնելու դեպքում այն կհալվի և կլողա մակերեսին: Իսկ մարգարինը կամ սփրեդը կտոների տեսքով կլողան:

5. Սպիտակ բրինձ

Բրինձը կարող են փոխարինլ «պլաստիկեով»: Այն պատրաստում են սինթետիկ խեժով և կարտոֆիլիով:

Ստուգելու համար մի քիչ բրինձ այրեք: Եթե այն կեղծ է, պլաստմասի հոտ կզգաք և սև ծուխ կտեսնեք:

6. Ձկնկիթ

Մի քանի հատ ձկնկիթ լցրեք եռացող ջրի մեջ: Եթե մթերքն իսկական է, սպիտակ փառ կառաջանա:

7. Մեղր

Մեղրի քաշն ավելացնելու համար դրան ավելացնում են կավիճ, օսլա կամ ալյուր:

Մեղրի մեջ կավճի առկայությունը ստուգելու համար այն լուծեք ջրում և մի քանի կաթիլ քացախաթթու ավելացրեք: Եթե լուծույթը փրփրի և թշշա, մեղրի մեջ կավիճ կա:

Մեղրի մեջ ալյուրի կամ օսլայի առկայությունը պարզելու համար 1 բաժակ տաք ջրի մեջ 1 թ. գ. մեղր լուծեք: 3-5 կաթիլ յոդ ավելացրեք: Եթե մեղրի մեջ օսլա կամ ալյուր կա, լուծույթը կմգանա:

8. Գինի

Ափսեի վրա մի քիչ սոդա լցրեք և վրան կարմիր գինի լցրեք: Եթե խմիչքը բնական է, գինին կկապտի:

9. Մայոնեզ

Լավ մայոնեզի բաղադրության մեջ պետք է ձվի փոշի լինի, երբեմն այն փոխարինում են օսլայով կամ այլ հավելումներով:

Օսլայի առկայության մասին կարելի է իմանալ յոդի միջոցով: Մի քիչ յոդ կաթեցրեք մայոնեզի վրա և խառնեք: Օսլա պարունակող մայոնեզն ակնթարթորեն մուգ գույն կստանա:

10. Ձուկ

Թարմ ձկան աչքերը միատոն են լինում, թեփուկները՝ ամբողջական, խռիկները՝ կարմրավուն: Իսկ հին ձկան աչքերը կփայլեն, թեփուկները տեղ-տեղ կտրտված կլինեն, խռիկները՝ մուգ գույնի:

Եթե ձկան գլուխը կտրված է, նայեք, որ ձկան միսը լինի կարմրավուն-վարդագույն, ոչ թե դարչնագույն:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին