Դեկտեմբերին ծնված աղջիկներն ավելի առողջ սիրտ են ունենում։

Իսկ գարնանը կամ ամռանը ծնված աղջիկները 12 տոկոսով ավելի հաճախ են մահանում զարկերակի կորոնար հիվանդություններից։

Այս մասին ասվում է նոր հետազոտության մեջ, որի արդյունքները հրապարակվել են British Medical Journal ամսագրում։

Սրտային հիվանդությունների զարգացման տեսակետից ամենավտանգավոր ամիսը ապրիլն է, իսկ ահա դեկտեմբերը համարվում է առավել նախընտրելի։

Ցավոք, հետազոտողները չեն կարող բացատրել, թե ինչի հետ է դա կապված, եւ ինչու է ձմռանը ծնված աղջիկների սիրտը ավելի առողջ։

Նախորդ հետազոտությունները ցույց են տվել, որ ծնվելու ամսվանից կախված է այն, թե ինչ է մարդը ուտում, ինչ օդ է շնչում, ինչ քանակի արեւի լույս է ստանում կյանքի առաջին ամիսներին եւ հղիության ժամանակ։

Նոր հետազոտության շրջանակներում Brigham and Women՛s Hospital-ի եւ Բոստոնում Հարվարդի բժշկական դպրոցի գիտնականները օգտագործել են 30-55 տարեկան ավելի քան 116 000 կանանց մասին տեղեկատվությունը։

Նրանց ուսումնասիրությունները սկսվել են 1976թ․ եւ շարունակվել են 38 տարի։

Ուսումնասիրությունների ընթացքում 43 000 կանայք մահացել են, իսկ նրանցից 8360-ը մահացել է սրտի հիվանդությունների պատճառով։

Ընդ որում, այդ հիվանդություններից գարնանը ծնվածների մահվան հավանականությունը 10 տոկոսով ավելի բարձր է եղել, իսկ ամռանը ծնվածներինը՝ 9 տոկոսով։

Ապրիլին ծնված լինելու դեպքում վտանգը մեծացել է 12 տոկոսով՝ համեմատած նրանց հետ, ովքեր լույս աշխարհ են եկել նոյեմբերին։

Իսկ ահա դեկտեմբերին ծնված կանայք 5 տոկոսով ավելի հազվադեպ են ժամանակից շուտ կյանքից հեռացել՝ համեմատած նույնիսկ նրանց հետ, ովքեր ծնվել են նոյեմբերին։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ