Շատ հաճախ հարուստ կանայք տղամարդու կողմից անկեղծ զգացմունքները շփոթում են իրենց հաշվին ապրելու` տղամարդու պարզ ցանկության հետ:

Շատ տղամարդկանց դուր է գալիս նման կենսակերպը: Մանավանդ եթե կինն ինքն է առաջարկում դա եւ նրան դրդում է ալֆոնս դառնալ:

Մարդկանց մեծամասնությունը դատապարտում է կնոջ եւ տղամարդու միջեւ նման հարաբերությունները: Բայց ամենասարսափելին այն է, որ ալֆոնս տղամարդիկ հաճախ փող վաստակելու ցանկությունից դրդված խաբում են կանանց:

Ալֆոնսին բացահայտելը բավականին հեշտ է: Նման տղամարդիկ շատ են սիրում իրենց, հետեւում են իրենց արտաքինին եւ գեղեցկության սրահներ են այցելում: Նրանք հայտնի թանկարժեք ապրանքանիշերի հագուստ են կրում եւ թանկարժեք օծանելիք են օգտագործում: Նրանք ամեն ինչ անում են կնոջը գրավելու համար:

Ալֆոնսները հաճախ փոքրիկ մորուք են թողնում: Դա նրանց օգնում է թաքցնել իրական հույզերը: Ալֆոնսներն իրենց մատնում են նաեւ պահվածքով: Առաջին հանդիպման ընթացքում նրանք ջանում են հնարավորինս շատ օգտակար տեղեկություններ քաղել եւ երբեմն կարող են բավականին անտաշ լինել:

Նրանց կարող է հետաքրքրել, թե աղջիկն ինչ հարազատներ ունի եւ նրանք ինչքան են վաստակում, ինչով են զբաղվում նրանց ծնողները եւ ինչ մեքենա է քշում նրա պապը:

Ալֆոնսները շատ են խոսում փողի մասին, եւ դա հաճախ զբաղեցնում է զրույցի մեծ մասը: Նա երբեք ուղղակի փող չի խնդրի, բայց կարող է ակնարկել, որ այդ պահին ֆինանսական որոշ դժվարություններ ունի: Նա անպայման կպատմի իր հավակնությունների եւ հեռահար պլանների մասին, կասի, թե մինչ այժմ չի կարողացել իրեն իրացնել մի պատճառով, որովհետեւ փող չի ունեցել մեկնարկային կապիտալի համար:

Տղամարդ ալֆոնսները հաճախ բավականին առնական տեսք ունեն. նրանք սովորաբար մարզական կազմվածք ունեն եւ մարմինը զարդարում են դաջվածքներով, սակայն դրանք ընդամենը օժանդակ միջոցներ են` կնոջը մոլորեցնելու համար:

Իսկական ալֆոնսի միակ անվիճելի հատկանիշն այն է, որ նա երբեք պատասխանատվություն չի ստանձնում կնոջ համար: Նա կջանա նրա վրա թողնել ամբողջ աշխատանքը, տնային հոգսերը, ֆինանսական դժվարությունների լուծումը:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ