Կարող եք որովայնում տարբեր ձևի և ուժգնության ցավ զգալ՝ երբեմն կտրուկ, երբեմն բութ, երբեմն ձգող, երբեմն նվվացող:

Որովհետև մեր օրգանիզմի այդ հատվածում շատ գործառույթներ են տեղի ունենում և կան շատ հնարավոր պատճառներ:

Որովայնի ցավի պատճառ կարող է լինել շատ բան՝ վախից կամ սթրեսից մինչև չափից շատ ուտելը կամ ավելի լուրջ պատճառ:

Ինչ է ցույց տալիս որովայնի ցավը՝ ներկայացնում է zNews-ը:

1. Որովայնի միջին ձախ հատված

Եթե ցավը մոտավորապես իրանի բարձրության է ձախ կողմից, դա կարող է խոսել երիկամային վարակի կամ երիկամներում քարի առկայության մասին: Եթե միզելիս էլ է ցավում, փորկապություն կա, ապա պարտադիր բժշկի դիմեք: Շատ հնարավոր է՝ երիկամային վարակ լինի:

Եթե ոչ, դա կարող է կապված լինել ողնաշարի գոտկատեղի մասի հետ:

2. Միջին կենտրոնական հատված

Եթե որովայնի կենտրոնում, պորտի շուրջը կամ մի քիչ վերև բութ ցավ ունեք, դա կարող է կույր աղիքի բորբոքման կամ պանկրեատիտի նշան լինել: Եթե ցավն ուժեղանում է, բժշկի դիմեք:

3. Որովայնի միջին աջ հատված

Եթե ցավն աջ կողմում է իրանի բարձրությամբ, դա կարող է երիկամների հետ կապված խնդիր լինել կամ կապված լինել փորկապության հետ: Պատճառը կաող է լինել նաև դիվերտիկուլիտը, երբ հաստ աղիքի պատերին կիստաներ են գոյանում:

4. Ստորին ձախ հատված

Աղիքային խնդիրների մեծ մասը կերևա որովայնի ավելի ստորին մասի ցավով: Կանայք նաև ջղաձգումներ են ունենում այդ մասում և սովորաբար երկու կողմից:

5. Որովայնի ստորին կենտրոնական հատված

Պորտի ներքի մասի ցավը կարող է միզուղիների վարակի կամ աղիների բորբոքային հիվանդության հետևանք լինել: Կանայք կարող են վերարտադրողական օրգանների հետ կապված վիճակից տառապել: Պարտադիր պարբերաբար գիենեկոլոգի այցելեք:

6. Ստորին աջ մաս

Որովայնի ստորին մասի մի կողմի ցավը կարող է մկանների լարվածության կամ ընդհանուր գերհոգնածության նշան լինել: Բայց եթե այդ ցավը հաճախ է զգացվում, պետք է բժշկի գնալ: Ու եթե սուր, խորացող ցավ ունեք աջ ստորին անկյունում, անպայման ստուգեք կույր աղիքի բորբոքման մյուս նշանները:

7. Որովայնի վերին ձախ հատված

Այս հավածում ցավի հավանական պատճառը ստամոքսն է: Հնարավոր է նաև խոցի կամ ենթաստամոքսային գեղձի հետ կպաված խնդրի առկայություն: Եթե ցավն ինտենսիվ է և արագորեն ուժեղանում է, հնարավոր է՝ քարեր են խրվել լեղապարկի կամ լեղածորանի մեջ: Բժշկի դիմեք, եթե ցավը չիվերանում 1-2 օր:

8. Վերին միջին մաս

Որովայնի վերևի մասում ցավը հաճախ կապված է լինում ռեֆլյուքսի, թթվայնության կամ ստամոքսի կամ կերակրափողի ծայրի այլ խնդրի հետ: Ցավի ստույգ զգացողությունից կախված՝ կարող են նաև խոց կամ լեղապարկի քարեր լինել:

9. Վերին աջ մաս

Ցավը որովայնի վերին աջ հատվածում կարող է բարակ աղիքում խոցի նշան լինել: Պատճառը հաճախ լինում է ստամոքսահյութի ավելորդ արտազատումը:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին