Այսօր zNews-ը ներկայացնում է Ուգանդայի 39-ամյա բնակչուհի Մարիամ Նաբատանցիին, որը 38 երեխա է ունեցել և արժանացել է Արևելյան Աֆրիկայի ամենաբեղուն մայր տիտղոսին։
Իր բարդ ճակատագրի մասին Մարիամը պատմել է BBC-ի լրագրող Քասիմ Քաիրին։ Նա ամուսնացել է դեռ 13 տարեկանում։
Երջանիկ ամուսնության մասին խոսք անգամ լինել չէր կարող։
Կինը ստիպված էր դիմանալ բռնակալ ամուսնուն, նա անգամ իրավունք չուներ տնից դուրս գալու և միայն պետք է երեխաներ ունենար։
Մարիամը 44 երեխա է ունեցել, որոնցից 6-ը սակայն մահացել են։
Կինը չորս անգամ եռյակ է ունեցել, երեք անգամ քառյակ և զույգեր։
Նրա ավագ որդին 23 տարեկան է, փոքրը՝ հինգ ամսական։
Բազմազավակ մայրը 28 որդի և 10 դուստր ունի, որոնցից միայն ամենափոքրն է կեսարյան հատումով ծնվել։
Հետաքրքիր է, բայց իր ֆենոմենալ բեղունությունը անհանգստացրել է նրան միայն 23-րդ երեխայի ծնունդից հետո։
Ցավոք տեղի բժիշկները չկարողացան բացատրել, թե ինչ է կատարվում նրա օրգանիզմի հետ։
Ցավոք, կես տարի առաջ նրա ամուսինը լքեց նրանց և հրաժարվեց օգնել իրենց համատեղ երեխաներին։
Կինը օգնություն խնդրեց հայրենակիցներից։
Մարիամի պատմությունը տպավորեց Ուգանդայի բնակիչ Կարո Օմուին։
Նա Ֆեյսբուքում օգնություն խնդրեց և Մարիամին օգնելու համար հաշվեհամար բացեց։
Նրա նպատակը 13 հազար դոլարն է։
Այդ գումարը կօգտագործվի բազմազավակ ընտանիքի կարիքները հոգալու համար։
Մարիամը նաև երազում է լավ կրթություն տալ իր երեխաներին։
Հիմա նրանցից 14-ը տարրական դպրոցում են սովորում, 10-ը՝ միջին դպրոցում։
Սա թանկ հաճույք է․ տարեկան մոտ 1500 դոլար է անհրաժեշտ հավաքել։
Դուք կհարցնեք․ «Ինչու են կանայք այսքան երեխաներ ունենում և խնդիրներ ստեղծում իրենց համար»։ Ցավոք, աֆրիկյան կանայք հայրիշխանական հասարակարգի գերիներն են և ձայնի իրավունք չունեն երեխա ունենալու հարցում։
Մյուս կողմից, Մարիամ Նաբատացիի օրինակը ցույց է տալիս, որ անգամ անելանելի իրավիճակում տեղ ունեն հավատքն ու բարությունը։
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին
